أنا ضاااااااايعه

بصراحة انا احب ..!

كيف وليش ماادري .. طول عمري ضد الحب وضد كل هالأمور واعتبرها سخافات وقلة ادب ومضيعة وقت

لحد ما حبيت

وحبيت مين؟

ولد عمي !!

اقول لكم عن ولد عمي هذا ..

طيب مؤدب طموح خلوق وسيم .. فيه كل الصفات الي البنت تتمناها

خدوم مستقل بذاته .. ماياخذ ولا فلس لا من ابوه ولا غيره
قايم بأهله بار بوالديه .. علاقته مع الاطفال تجنن

رغم صغر سنه الكل ياخذ برايه ويحسب له حساب ومعروف عنه خجول جدا حتى مع حريم من محارمه “عماته خالته ….الخ”

انا كنت معجبة فيه من بعيد لبعيد لاني كنت ألمح الاعجاب من الكل فيه وفي افكاره ومبادئه لحد ما جى اليوم الي ضافني في الفيس بوك

انا الفيس بوك عندي قرايبي وخوالي وعمامي وكلهم .. و ولد عمي هذا كنت متربية وياه من صغري وانفصلنا لما كبرنا

ضافني في الفيس وايميلي موجود أخذه كلمني .. السلام كيف الحال انا فلان وسكت

ظل ايام نفس الشي يا دوب يتكلم كلمتين ويطلع .. وانا لمجرد انه يكلمني يحمر وجهي

مو متعودة اكلم شباب ولا لي بهالأمور .. مع مرور الايام حبيته

يا ناس ذوقه مثل ذوقي كل شي احبه يحبه .. مدري كيف تعلقنا ببعض بسرعه عجيبه .. وكل هذا وانا اتعذب لاني ما حسيته يحبني وانه اهتمامه مجرد اخوة وصلة رحم ودم

لحد ما جى اليوم الي قالها لي وطلع من المسن .. ومن هنا بدت قصة معاناتي

صار كل شي بحياتي .. يومي جامعة وهو بس .. انام لما ينام .. اكل لما اكل .. كل شي

العايلة كلها عرفت بحبه لي .. يمكن يبان عليه من احد يجيب طاري .. لدرجة أخوه اخذه ع جنب وسأله اذا كان حاطني بباله ويبيني وهو ماانكر هالشي .. حتى امه حست فيه انه يحبني واني ماخذه تفكيره

المشكلة انا احس بتأنيب الضمير .. الي نسويه غلط وستين غلط .. صج نكلم بعض مسن بس ونادراً بالجوال .. يعني كل شهرين يلاقي له حجة يتصل ويسكر .. مانقول لا كلام حب ولا شي الا ما ندر

مجرد كلام عن يومنا وفي ايش قضيناه افكار اذواق ….الخ

كنت خايفة يفهم تصرفاتي معاه خطأ وحاولت أتكلم معاه بالموضوع قال لي هالكلام تقولينه لي انا؟ انا اعرفك واعرف انتي بنت مين وكي تربيتك ولو سمحتي لا تعيدين هالكلام من جديد <— احد اكبر عيوبه عنيد وراسه يابس ومايبيني اخالف كلامه ولا شوره ابد

مرت الأيام وبدت العلاقة تتطور ( لا يروح بالكم بعيد ) .. يعني بحكم انه اكثر واحد يثقون فيه بالعايلة كان ابوي احياناً يوكله يوصلني للجامعة او يجيبني منها وانا كنت ارفض بالبداية بس للحاجة اوافق

وكنت احسه مشتاق لي او انه يبي يكلمني او شي .. لحد ما صار الي صار

أمس انا كنت ببيتهم .. واخوي اتصل قال لي احنا برى اطلعي خذي عشاكم

المهم طلعت الله يهديني وانا بدون لا عباية ولا غطوة ولا شي للحديقة برى

وكان هو طالع وشافني .. انا تسمرت مكاني ماعرفت ايش اسوي ظليت مكاني وهو واقف يطالعني وتلون وجهي الوان قوس قزح وكل الوان الدنيا .. قرب شوي وقال لي كيفك بنت عمي اخبارك؟ وانا سااااكته خلاص مافيني حيل أرد .. وحسيته هو مستحي بس ما يبي يروح لما شافني مطنشته ولاصقة بالجدار مكاني .. تقرب مني شويات وشال الكاب الي لابسته وقال لي بعدك قمر مثل ماكنتي واحنا اطفال .. وطلع

بناااات انا ذبحت حالي صياح .. كيف صار كذه لو واحد ثاني يهون .. مدري شسوي وكيف اتصرف

مو قادرة افكر ولا شي 🙁

أدري كل علاقتنا غلط وأدري الكل بلومني بس مو ذنبي حبيته .. ومستعدة اصبر على ظروفه واخذه .. بس كيف اقول له تعال اخطبني والله مو حلوة بحقي !