عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم ؟ عساكم بخير إن شاء الله
أنا أحب هالقسم ودايم أقرى فيه
فعلا أحيانا ناس لاتعرفهم ولايعرفونك بس بمواقف وظروف معينه يصيرون أقرب لك من أهلك
أنا بطرح مشكلتي أو بالأصح أبفضفض لكم يمكن أرتاح
صح أن الشكوى لغير الله مذله بس النيه من كلامي فضفضه + أخذ شوركم
أعتذر عن المقدمه الطويله بس تحملوني شوي
وتكفون أنا أنسانه مشاعري مجروحه حاليا لاتتسببون بدمع عيني
ماراح أدعي عليكم إذا أخطيتو بس أعرفو أن أخطيتو بحقي
بتكونون سبب في دمع عيني وماأعتقد يرضيكم تبكون أخت لكم
قصتي بإختصار
أني جلست مخطوبه أكثر من سنتين وكل ماتحدد الزواج يتأجل
وفي النهايه تحدد الزواج بس ماكنت أنا العروس
تزوج فلان وأنا والله مادعيت له إلا بالخير
قسم بالله أول ماسمعت الخبر دعيت له ربي يسعده ويبعده عني
ولا عمري دعيت أو تحسبنت عليه
?نه نصيب وفلان موب نصيبي
وأنا أدري أن ربي كاتب لي نصيب أحسن أن شاء الله
المهم أني كرهت الديره اللي أنا فيها
أحسني ماعاد أبي أسكن فيها وأدعي ليل نهار ننقل ديره ثانيه
?ني ماعاد أبي أسمع أي شيء عنه
أبيه يطلع من حياتي حتى أسمه ماأبي أسمعه
ماأبي أسمع عنه أي خبر زين ولا بعيد الشر شين
المشكله أن أخباره وعلومه تاصلني وأنا كارهه هالشي
المهم قبل فتره وصلتني علوم عنه أنه موب مرتاح معه زوجته
أنا والله زعلت عليه ودعيت ربي يوفقهم ويهدي سرهم
بس يابنات أنا ضميري مأنبني أستغفر الله كني أنا السبب
اللي خوفني أنو قبل فتره قريت عن واحد كان خاطب وفسخ خطبته وثم تزوج غيرها
وصارت له مشاكل معه زوجته وماحملت بعدين طلع السبب نفس خطيبته الأولى
وأنا زعلت خفت أني ناحسته ولا حاسدته ولا صاكته عين ولا نفس ومدري وشو
والله أني ماأحب الشين ?ي إنسان وخصوصا هالشخص ماأبي أكون سبب بتعاسته لا قدَّرَ الله
وش الحل؟ تهقون فعلا أنا السبب؟
أنا ماأحب أأذي أي أنسان
بنات أنا من يوم ماسمعت عن مشاكله وأنا أصيح أخاف أنا السبب
وأخاف بعدين ربي يعاقبنن
أنصحوني وأدعولي ربي يسعدني
?ني حاليا جدا حزينه ومكتئبه وبدون ماأعرف سبب محدد لهل الحزن والإكتئاب
أحس بالوحده وتعيرت كثير. ماعدت مثل قبل أضحك من قلب وصارت دمعتي قريبه أي شيء يبكيني
الله يوفقكم أجمعين
