عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم؟ 
عساكم بخير يارب 
أول شي سوري تلقفت على قسمكم 
———
الشق الثاني من الموضوع
أبخذ رأيكم بشي
أنا إن شاء الله بيتي بيكون جنب بيت أهل زوجي حلو؟
ماراح أسكن بنفس بيتهم بس بيتي قريب وأساسا بنفس الحوش مافي جدار يفصل بين بيتي وبيتهم يعني بيني وبينهم يمكن كم متر بس –> أخلصي علينا 
يعني إذا طلعت من بيتي ولا أحد جاني على طول بيدرون
وأخت زوجي باب بيتها بوجه باب بيتي يعني إذا خالتي ماشافتني أطلع بتشوفني أخت زوجي
أنا طبعا هالموضوع مو مزعلني أبد
دام لي بيت لحالي مايمهني شي وأساسا أهل زوجي الحمدالله مره كويسين الله يخليهم لي ولا يغيرهم علي
المهم
من فتره صارو الناس يقولون لي كلام خلاني أفكر بالموضوع وأشوف جوانب سيئه منه
يعني مثلا قالو لي ” أنتي مجبوره كل ماعزمتي أحد تعزميهم ولا بيزعلون عليك “
أنا ماعندي مشكله يزوروني لا والله عادي
بس أنا بنت مثل كل البنات يعني أبي أعزم صديقاتي وأستانس معهم وأسوي قعدات بنات
يعني مثلا أبي أقعد معهم لوحدي وكذا فاهمين قصدي أكيد
يعني قعدات بنات موب قعدات حريم
أبسئلكم بهالحاله لازم أعزمهم بعد؟
وتتوقعو لو ماعزمتهم بيتشرهون علي؟
ومو بس كذا يعني تخيلو أبي أعزم أخواتي مثلا أو بنات أعمامي يعني جلسات عائليه لازم أعزمهم بعد؟
بالله اللي وضعها مثلي تقولي شلون تتصرف
أنا ماأبي أكون وقحه معهم بس بنفس الوقت أبي حريتي وراحتي ببيتي
وكمان في ناس يقولون لي “ إذا طلعتي أنتي ورجلك بيصيرو يروحون معكم بكل مكان “
أنا ماعندي مشكله نطلع نتمشى سوى بس عاد كل ماأطلع يجون معي !!
وكمان يقولون لي ” بيقعدو يقولون 24 ساعه ماخذه الولد وتلفلف بالشوارع “
صح هالكلام؟ 
ماأبيهم يزعلون وهم بعد ماأبي أزعل نفسي
أبي نصايحكم
وبس 
الله يوفقكم يارب ويعطيكم كل اللي تتمنوه ويسخر لكم رجالكم وذريتكم ويصلح حالهم يارب
مع السلامه ❗
