عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم حبيباتي الفراشات
أنا عندي موضوع متعبني ومطفشني وماني عارفه وش أسوي ياليت تدلوني على الحل …
أنا زوجي مسافر من خمسه شهور تقريبا وباقي له سبعه شهور ويرجع الله يرجعه بسلامه …
طبعا أنا ساكنه عند أهلي لاكن المشكله الجو في بيت أهلي جدا متوتر أمي معصبه على طول ويعاملوني كأني شغاله وأخوي إلي ساكن عند أهلي هوه وزوجته كل مال المشاكل تزيد معه هوه وحرمته الله يأخذهم ونفتك وزجته حامل وماتقوم من على ظهرها وأخوي ينفخ فيه أنا وأمي أخدموها جيبولها وووو؟؟ الله يعين وهي تجلس تألف قصص بس عشان يسبنا ويهينا….
وأختي الوحيده إلي ماعندي غيرها كانت تونسني تزوجت الله يحفظها وسافرت مع زوجها….
كلمت زوجي طلبتهيجي ياخذني قال ظروفي الماديه صفر يادوب أقدرأمشي حالي هناك ماأقدر أخذك لاكن روحي بيتك ووقت النوم نامي عندأهلك لأن أهلي ساكنين جنبي ….
بس أحسها صعبه أجلس طول النهار لوحدي وأم زوجي وخواته بينا قطيعه يكرهوني موت ….
بيفرحون لما يشوفوني وحدي بالبيت ويتشمتوا فيني ….
وش السوات دحين وين أروح ؟؟؟؟؟
وأبوي الله يسامحه قلت له بروح بيتي … بغيت منه كلمه حلوه يقول لا مايصير …
قالي على طول بصراحه عمك أولى فيك ويصرف عليك وإحنى زوجناك خلاص هم مسؤلين عنك ….
يعني حسيت مئه بالمئه مايبغوني أهلي ..
وش أسوي أروح بيتي وأكلم عمي يجلس معي لأن عمي يصير أخو أبوي وأبو زوجي في نفس الوقت ….
ولا أصبرفي بيت أهلي عشان لا يطيحوا أهلي من عين زوجي ولا يتشمتو فيني أمه وأخواته …
دلوني الله يجزاكم خير صدقوني نفسيتي زفت ونقصت سبعه كيلو من سفر زوجي …..
ولا تنسوني من دعوه في ظهر الغيب….
