أمي نور دنيتي تكرهني .. ياليت أشتري رضاها ولو بفلوس الدنيا كلها

ياليت أمي تحس فيني ولو مره وحده بس . وتدري إني ما أقدر أستغني عنها مهما حصل ..
بنات أنا أحس أمي تكرهني وبقوة ما تطيقني .ودايم تدعي علي بالفاضي والملياان , وتدخلني في كل مشكله تحصل بالبيت ؟ حتى لو ما كاان لي دخل فيها ..

أنا ما عندي مانع إن أمي تذبحني وتضربني وتكسر رآآسي لو بغت بس أهم شئ تكون راضيه علي وتحبني ..

أدري إني غبية ومهما حااولت أرضيها إلا ما أخربها وأغلط ولا أنرفز أمي وأنا ما أقصد . أمي تظن إني قوية وشريرة وماكرة , وما تدري إن من شدّة عباطتي أحط نفسي بمواقف غلط وأمي تحسب إني متعمدة وإني أعاندها ..

بناات والله العظيم إني أوخر عن المشاكل بالمدرسة وأحاول أشد حيلي بس !!
عشان أرفع رآس أمي وأخليها تعتز فيني ..

حتى إني أرقص بالحفلات والاعراس وأسوي نفسي جريئة وووااو وأهتم بشكلي وبمظهري حتى ماامي تحبني ..

وشعري طوولته وهو أكره ما عندي وأهتم فيه وأعتني به .؟ لآنو يعجب أمي . وأمي تعبت فيه صدق إني مراات أقولها ودي أقصه .؟ بس ……….

دايم أخليه عشان ماامي تحبه ..؟

والله إني تركت حركاات البنات والاستهبال والدوشة والربشة بس من شاان مامي .؟
حتى إني أخلي اخواني الصغار يستعبدوني وأسكت عن حقي كثير .. بس حتى مامي ما تزعل علي وتهاوشني .. !

يا حظ صديقااتي يجلسون مع أمهم ويسولفوون معاها عن أتفه الاشياء وأقوااها .؟
وأنا والله أدور على سوالف حلوه بس حتى أتكلم مع ماامي بس أمي ما تعطيني وجه ؟

المشكله إن أمي تظن إني شريرة وإني ماكرة بس والله إني عالنية ؟ دايم تحسبني أكذب عليها .؟ لكن أنا أخاف الله أولا ومستحيل أكذب إلا إن حصل زلّة لساان ؟
وعلى مين أكذب على نور دنيتي ؟؟

آآآه يا يمة .. ياليتك تدرين إني من دااخل فرااااااااااااااااغ وضيااع ؟
ياليتك تدرين إني أتقطع مليون قطعه وقطعه لما تقولين ما فيك خير ..؟
ياليتك تدرين إني أسعى لقلبك وبس بهاالدنيا وأحااول بأقوى ما عندي .. !

ياليتك تشوفين قلبي وشلون مجروح ومكسوور ..؟

ياليتك تسمعيني وأنا أدعي ربي في نصف الليل , وبسجودي وبكل وقت .. إن ربي يحنن قلبك علي وترضين علي يآآ يمة ..

يمكن أمي تظن إني بليدة مشااعر وإني ما أحس .. !
لكن لو تدري عن دموووعي لو تدري إن نفسيتي مهزووزة وثقتي بنفسي بالناازل وأحس لو زاادت أمي كره فيني رح أمرض .. واستخف ..؟

بناات أنا أحااول موت إني أسعد أمي والله الذي لا إله إلا هو . إن قلبي يوجعني حيل . لما أدخل عليها وما أبوس رآسها ..؟ أموووت من القهر والحزن .؟
بس وش أسوي أستحي منها مووووت .؟
ما أدري ليش بس مرره أستحي منها .
لدرجة تخيلوا مامي أقنعت أبوي إنو يوديني لعرس صديقتي وأنا من الفرحة قاعدة أفكر أبوس رآآسها وأقولها كلام حلو ..؟
بس لساني منعقد ………..
وطول اليوم أقول الحين ببوس رأسها بعد شوي بأبووس رآسها .؟
والله يا بنات أمي كانت جالسة جمبي على اللآب توب وقعدت أفكر أبووس رجلها ..

لكن ياليتها تدري إني من جد ما أقدر أستحي أستحي …………

آآآآه مستحيل أنسى أبد أبد يوم تبرت مني وقالت إنتي مو بنتي .؟
كل ما أذكر هذاك اليوم تخنقني العبرة وتخنقني دموووعي .؟
وقتها طووووووول اليوم دعيت إن الله يأخذني ودعيت على نفسي بالموت .؟
وأنا وش أبغى بهالحياة إذا أمي ما تبيني ..

أنا أدري إنها تكرهني من زمااااااان والكل ملاحظ هالشئ الكل .؟ أنا ما أتوهم ..
أشوف كرهها لي في عيونها ..

وما تدري إني أموت فيها وأحبها لآبعد حد .. وما أحب أنكد عليها ولا أضايقها .. لدرجة إنها لما تهاوشني أجلس عندها حتى تقول إلي في قلبها وتغسل شراعي ,, ثم أروح حتى تفضفض .عن نفسها وتقول إلي بخااطرها .؟ حتى لو كاان يذبحني من داخل ؟.

يمكن أمي ما تصدق إني لهالدرجة أحبها ..؟ لكن أنا ما أقدر أعبر عن مشااعري .؟

حتى لما رحت للعمرة قعدت أدعي ربي وأدعي إن أمي ترضى علي ..؟

بناات أنا حتى كرهت أطلب منهم شئ لدرجة حتى أغراض المدرسة وربي ما أجيب أغلبها يعني يا دووب الضروريات بس حتى ما أثقل عليهم ..
لدرجة إني فكرت أشتغل بس حتى أفكهم من غثااي .

أنا ما أبي منها غير قلبها الحنون , غير دعوااتها الطيبة ..

ياليت تدري أمي إن حيااتي سوداء وهي ألواانها ياليتها تحبني زي ما تحب اخواني الصغار والكبار ..

ياليتها تدري إني صايرة أدعي على نفسي بالمووت ..؟

أنا ودي أعطي أمي وأعطيها وأعطيها .. ودي أشتري لها فله بإسمها .. ودي أسفّرها لكل مكان تحبه …! أمي ما تدري إني أخطط لها بس وش أسوي ما عندي شئ أقدمه لها ؟؟

بنات طلبتكم الله يدخلكم جنة الفردوس الاعلى .. تكفون طلبتكم ألحقوا علي وقولوا لي وش أسوي حتى أمي ترضى علي وتحبني علموني وش أسوووي ..؟

أنا مستعدة أسوي أي شئ. أنا مستعدة أدوس على كل شئ عشاانك يا يمة | ~