أمي تقول خاطر البنت لا تكسرونه..

السلام عليكم اخواتي انا محتاجه لمساعدتكم وارائكم
انا عندي بنت قريبتي احسها تعاني من ازمات نفسيه كثير احس حياة البنت مليانه عقد
وافكار غلط احاول اعدل من جهتي واحسسها بطفولتها لكن اهلها مايساعدوني ابدا دائما
يسببوا لها احباط …
والسبب في اللي صاير هذا كله ان الام وهي حامل كانت متأمله ان اللي في بطنها ولد ولما ولدتها بنت انصدمت وماحبتها
وهاللحين البنت صار عندها اخ واخت محببين للوالدين اكثر منها لدرجة ان كل اللي حوالينا حاسين انه اهلها مايحبوها وعلى كذا الام دائما تتكلم
عن محبتها لبنتها البكر لكن واضح انه كلام مصطنع وماله اي اساس من الصحه .

انا كتبت هالكلام لاني ماودي تكبر البنت وهالعقده بداخلها خصوصا انها حاسه ان امها ماتحبها وتقولي ان امها دائما تبلغ ابوها بأخطائها وهو الكفيل بمعاقبتها
بالرغم من اني دائما وكل مره اجلس فيها معاها اقولها ان اهلك يحبوك لكن ماتصدقني …

فياليت اذا في احد منكم تعرف طبيب ممكن يساعدني أخلص البنت من هالحاله او حتى اخصائية اجتماعية ممكن اتواصل معاها .