عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
اخباركم بنات ان شاء الله بخير؟
والله مدري من وين ابدى
كنت استغرب من اللي يشتكون من أمهاتهم ماكنت متوقعه اني في يوم راح اشتكي من امي
بنات امي كانت مافيه احن منها , كان الكل يحسدنا عليها والله حنونه طيبه مدلعتنا ماعمرها جرحتني بكلمه
تعبت والله وتعبت نفسيتي مرررره
المشكله اني ما اقدر اقول لأي احد لأنهم ماراح يصدقوني
لأن يابنات قدام الناس تبين انها تحبني ومدلعتني ووراهم تدعي علي وماتعاملني زين والله شكيت انها تكرهني
أخر شي البارح الساعه 2ونص الليل رحت حطيت لي عشاء وتعشيت بس هذا الذنب اللي سويته قامت تهاوش وتدعي ليش تتعشين الحين ليش ماصبرتي ! الى متى اصبر الى الفجر يعني وانا جوعانه وفيني نووم؟؟ والله العظيم احس الاكل ينزل ويجرحني في كبدي ندمت اني تعشيت لو نايمه بدون عشاء والله أبرك لي
والله فكرت اني اطلع من البيت بس وين اروح وما أرتاح الى في بيتنا
تعبت من الهم تعبت من التفكير
والحمدلله على كل حال
معليش طولت عليكم لكن حبيت افضفض بما اني ماعندي احد افضفض له والله علطول فكرت فيكم قلت مالي الا بنات الفراشه بعد الله
واعذروني على اللخبطه..
بنات ساعدوني كيف اتصرف مع امي؟ كيف اخليها ماتدعي علي وماتهاوش على كل صغيره وكبيره؟
ادعولي بنات طلبتكم
