أمي تتهمني ب………

السلام عليكم ورحمة الله وبركاته
أنا يابنات عمري 29 سنة وعاطلة عن العمل اول كنت اشتغل معلمة بديلة وراتبي6الاف الحمد لله وفلوسي أعطيها أمي وإخواني والخل على نفسي علشانهم كنت بديلة لمدة 3سنين ثم خلاص ماجددوا لي عقدي وانا عاطلة لي سنتين
المهم أمي امس وقبل أسبوعين نقص من شنطتهاا فلوس الف اول مرة والف ثاني مرة المرة الاولى يوم مالقتها تأأففت قالت لي عيالي يسرقوني. قلت لها أعوذ بالله طول عمرنا اذا بفينا شئ قلنالكم مايحتاج نمد يدنا ثم سكتت. وقات لها يمكن نسيتي ولا صرفتيهااا شئ ولا عطيتي احد قالت لا المهم امس بعد الف نقصتهااا وجت عندي وقالت يااحيووااانة تسرقيني قلت وشو والله مااخذييت لك شئ وماني محتاجة اسرق لو ابي شئ قلت لك انتي او أبوي قالت انتي اللي سرقتيني قلت والله مأخذت شئ.
أمي متهمتني علشان شنطتها دايم تخليها بغرفتي. لان غرفتها الدولاب مكسور مفتاحه
المهم احلف اقسم ماانفع هي مقتنعه مليون بالمئة انه أنا أقولها الشغالة تنظف غرفتي ليه ماتهمتيهاا قالت لانك بغررررفتك 24سااعة والشغالة بس تنننظف بسرعة وتطلع
قللت حتى لو مو عذر تتهميني ياما وياما فلوسك تحطيننها عندي ولا لمست شئ
قالت لي لا الحين الوضع تغير قصدها لأني مااشتغل ❗
وانا يابنات والله مأخذا شئ والحمد لله أبوي يعطيني فلوس لو ابي اي حاجة مهما كانت مايقولنا شئ
ضايق صدري عيت تقتنع أني مأسرقت وانا رحت فتشت غرفة الشغالة ومالقيت شئ
واني تعاملني الحين معامله سيئة بقوة ولاتكلمني وقلت لها اسالي اخواني يمكن احد أخذ الفلوس لان اخواني اذا بغوا فلوس خذوا من شنطة أمي عادي قالت أمي اييه علشان تنفضحيين عند اخوانك
باالله وش هالكلام أنا لو أبوي بصحته وعااافيته علمته بالساااالفة بس سااكته لانه مريض. وتو مسوي عملية الله يشفيه
أنا عندي أخت وحدة والباقين اولاد
اختي حتى مااسلتها خذت او لا
مدري وش اسوي صراحة مرررة مصدووومة ومجروحة
طول عمري اي فلوس تجئني اروح اشتري ل أمي هدية تفرحهااا اخواني واختي إبداا ولايفكرون يعطونها شئ لو حاجة بسيطة
تعبت مدري وش الحل والله العظيم مظلووومة