عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم 🙁
امي الله يهديها و يطول بعمرها جرحتني وخلتني في دوامه تفكير مؤلمه 😆
تقريبا الشهر هذا واللي راح كانت تعبانه وتراجع في المستشفى ..
و بما اني أنا الكبيره من البنات والعيال من اخواني .. كنت اروح معها و اذا تعبت بالليل وارتفعت الحراره اسهر معها و احط الكمدات و اعطيها الدواء و انام معها بالغرفه اللي تحت و إن شاء الله اني ماقصرت معها بها الشيء ..
وكنت احاول ارضيها بكلامي وتعاملي واحاول اني اكون لينه هينه معها بقدر ما اقدر .. واذا جانا ضيوف اجهز الضيافه لهم وكله عشان خاطر أرضاء امي ..
نجي للمشكله /
مع هذا كله امي تجرحني ومهما اسوي لها من بـر تعتبر اني مقصره معها 😆 🙂
والله العظيم يا بنات امس صار بيني وبينها سوء فهم بسيط جدا جدا وما يستاهل الزعل
و شينه النفس ، قلبت الدنيا علي و تصير تسبني وتشتمني و تشتم سابع جد لي 😳
وتقولي انتي ما فيك خير انتي شر وتجلس تدعي علي من قلبها ثمين تقولي تبي تشوفين تصرفاتك معي مع عيالك لأنك تعقين امك ..
والله العظيم يا بنات قلبي حنوووون على امي لدرجه اني احاول ان ما اخلي احد يجرحها و يوم مرضت رحت صليت ركعتين لله وجلست ابكي بحرررقه من قلبي ان الله يشفي امي ويعافيها ويخليها لنا ..
انا الحين اكتب وعيوني تدمع من الألم ليش امي تعاملني كذا 😉
ليش ماتعاملني بالحسنى مثل ما اعاملها ؟؟ ليش ماتكون حنونه علي بمشاعرها وماتفهم كلامي غلط ؟؟
ليش اختي اذا غلطت ماتشره عليها وتزعل وتدعي عليها ؟؟ ولا عشاني انا الكبيره هو اللي ينزعل علي ؟؟؟
اختي اللي بعدي بعض الاحيان تزعج امي او تقصر بحقها او تتخانق معها لكن ما تزعل عليها مثل ما تزعل علي ؟؟ بالعكس اختي اذا قامت تتنرفز و تتذمر ، امي تتميلح لها وتضحك لها
وتقولها هدي اعصابك وليش معصبه علينا ؟وتعتبر امي موقفها مع اختي كأن شيء ماصار …!!!
اما انا اذا سويت زي تصرف اختي تقعد تهاوشني وتدعي علي وتمسح كل كل كل كل الماضي الجميل والمعروف الحسن اللي سويتها لها ..
يعني قبل فترة كنت معها بالمستشفى مساندتها و اقفه معها بوقت الشده تجي في لحظة تقولي انتي ما فيك خير انتي فاشله انتي ما فلحتي في شيء
انتي ما تبرين فيني >> حطوا على كلمة ما تبرين فيني ميه خط
حرام حرام والله انا اقطع قلبي لأمي وفي الأخير انا اللي ينزعل علي واختي اللي ماتسوي شيء يكون راضيه عليها 😡
خلاص كرهت هالحياة معد ابي شيء نفسيتي تعبانه 😥
تكفون ادعوا لأمي بالشفاء العاجل وان الله يتمم لها على خير ..
وادعوا لي ان ربي ينصرني و يحبب قلب امي فيني و يرزقني بالزوج الصالح
اريد منكم الحل المناسب لهذه المشكله ؟؟
:
:
