ألم في صدري مو قادره اتحمل

اخواني واخواتي في هذا المنتدى الرائع ربي يجزاكم خير على كلامكم الطيب والخير اللي فيكم

اوضاعي على نفس الحال لم تتغير

ماادري كيف اتكلم عن نفسي ولاودي اقول شي يغضب ربي

بس انا احس اني منحوسه وكل ماحاولت افرح تنصك بوجهي والله العظيم اني متفائله لكن صدمات الزمن لي كثيره كل ماوقفت ورجعت زي قبل تجيني خيبة امل جديده وعلى فكره تراني استغفر واتصدق وعندي امل في الله

لكن مدري شاللي يصير لي

عمري 31 ومن 5 سنوات وانا انخطب والله ان كل واحد اردى من الثاني كلهم ماعندهم وظائف او مدمنين استغفر الله بس

اخر مره من شهر تقدم لي واحد عن طريق شيخ وماازكيه هالشيخ مدحه ومدح اخلاقه وجو اهله يشوفوني وشفت صورته بصراحه كان وسيم جدا وقالوا انه حنون وحبوب ومن هالكلام

بعدها ارتحت قلت خلاص جاء الفرج والله ان نفسيتي تغيرت 180 درجه وانفتحت نفسي للدوام على فكره انا موظفه

واستخرت كثير وحسيت براحه وسعاده

رفضوا اخواني مثل عادتهم قبل لايسألون ولاول مره تجرأت وبكيت عنده قلت حرام عليكم لاتقطعون رزقي

هو يوم شافني ابكي انصدم ورضى في الاخير وليتني ماكلمته لان الشخص اللي ذليت نفسي عشانه طلع مدمن مخدرات وعليه قضايا التزم فتره ورجع لحاله مدري الشيخ كيف زكاه ناس ماتخاف من الله

قولوا لي ياناس صبري نفد ليش كل اللي يتقدمون لي بلاوي انا حلوه وراعية بيت وخلوقه وانسانه محافظه على نفسي وسمعتي ماعمر احد سمع صوتي ولاشافني ماابي امدح نفسي بس عشان لاتعتقدون ان فيني عيب