ألحقوني عندي غدد حليب زايدة

كيفكم يا كروشات إن شاء الله بخير و مستانسين 👿
حأدخل على موضوعي على طول…… يا بنات أنا في شهر السادس وبكرية والحمدلله وطبعا صدري كبر مع الحمل…المهم لاحظت من يوم ما حملت شئ تحت إبطي مرره كبير كأنو كيس دهني بس مو هو.. أمي لمن شافتو قلتني مرره وطبعا على شان أول مره سرت على أقل شئ أخاف وقالتلي أمي روحي شوفي الدكتوره روحت والحمدلله ما طلع كيس دهني……طلع زيادة غدد الحليب المشكلة مو هنا….؟؟؟؟
المشكلة هو إني بعد الولادة إحتمال إني ما أقدر أرضع وكان نفسي إني أرضع:(شئ مررة يقهر لأنو حتى هو يتملا حليب و ما يلاقي مخرج فيتيبس و حيألمني مرره كتير :)ومالي علاج إلى بالجراحة وإذا سويتها محا أقدر أرضع
أما الإحتمال الثاني إنو ممكن ليه شئ يوصلو بالصدرو يخرج عادي<<<<حسيت كأني فيش كهرباء 😐
وأتمنى هادى الشئ يا بنات أبغى بس أعرف في أحد زيي أو تعرفي أحد زي وضعي و إذا في كيف عدت هادي الأزمه وفي علاج غير الجراحة يا بنات طالبتكم هادي أول مررة أكتب شئ يضايقني الله يخليكم ردو عليا لا تخصروني
و أتمنى كل كروشة إنها تولد بصحة وسلامة وتكون هي و البيبي حقها بخير و بخلقة تامة ياكريم يا أرحم الراحمين
و أعذروني على الكلام الملخبط و مو مرتب