عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اممم اليوم بحط لكم اكله خفييييييييييييييييييييييييييفه جدا وسهله وسريعه
وتنفع للريوق ..ولعشا خفيف او مقبلات للعشا
وللريوق اكثر
والمقادير والطريقة مافي اسهل منها
…المقادير…
رقائق السبرنغ رول
جبن كرافت ..او اي جبن تحبونه وطبعا مافي احلى من الكرافت
وهاي صورة الرقائق للي مايعرفها
http://sweraa.jeeran.com/photos/391432_l.jpg
…الطريقة…
تاخذين العجينة وتدهنينها بالجبن وابتعدي عن الاطراف.. مثل الصورة
http://sweraa.jeeran.com/photos/391430_l.jpg
اطوي الطرف الاول مثل الصورة
http://sweraa.jeeran.com/photos/391429_l.jpg
والطرف الثاني بعد وبتظهرلج بهالطريقة الاسطوانيه او النستطيلة واضغطي
على الاطراف عشان الجبن مايسيح
http://sweraa.jeeran.com/photos/391428_l.jpg
واتحطينها عالتاوه … بدون زيت او اي شي ثاني… وبسرعه بيحمر
يعني انتي سوي عالاقل 6 حبات وعقب شغلي النار … وانتي تدهنين شوفي
النار وماياخذ وياج وقت
اول وحده جلبتها واتحمرت خلاص والاثنين الباقيات توني كنت حاطتنهم
http://sweraa.jeeran.com/photos/391304_l.jpg
وهاي شكلهم بعد ماتحمروا ..وحاسبي عن يحترق مثل اخر وحده
http://sweraa.jeeran.com/photos/391431_l.jpg
وعقب صففيهم في صحن وصبي عليهم عسل مثل الصورة
وطعمه لذيذ وخفييييييييييف وينفع للريوق… خاصه يوم مالج بارض تسوين شي ..
http://sweraa.jeeran.com/photos/391303_l.jpg
http://sweraa.jeeran.com/photos/391302_l.jpg
وسويته بالباجر للعشا لانه اخويه حشرني وطلبه منه…احم احم لانه عيبه
وماكان في مقبلات للعشا وسويت هاي الاكله بسرعه بسرعه
وسويت بالجبن والعسل
ومجموعه بالدياي … والخلطة تاليف في لحظتها
حطيت كاتشب ودقوس وشويى خردل ودياي مفتت
خلطت الكاتشب والدقوس والخردل ويا بعض وكنت ادهن الرقيقه او العجينة
واحط دياي مع فلفل البارد
وبنفس الطريقه سويت … وقصيت اللي بالدياي من النص ..وحبوها بعد ..
وها شكلها في صحن التقديم
http://sweraa.jeeran.com/photos/391301_l.jpg
http://sweraa.jeeran.com/photos/391300_l.jpg
اتمنى تعيبكم اكلتي الخفيفه السريعه السهله اللذيذه
ولاتنسوني من دعواتكم
