عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مراحب فراشات عروسات مخطوبات
يمكن من عنوان الموضوع توقعتوا انكم راح تلقون مقال او دراسة او بحث او شي عن هذي الحالتين
وهو لا , موضوعي ابسط من كذا
وذلك لغاية في نفس يعقوب مرات فترة الخطوبة مو شرط تكون الحد الفاصل لتبين شخصية الطرف الآخر لكن بالعشرة يبان المستخبي وكل واحد يطلع ع أصلو
فخلونا نكون ع بينة واللي متزوجات بالضبط
تقول لنا كيف عرفتي ان محروسك كريم وخاصة ماديا
وحدة من قرايبنا ماشالله عليها تقول كيف عرفت ان زوجي كريم
تقول مرة جاب لها خاتم ذهب وطلع صغير عليها قال لها عطيه اختكوجاب لها غيره طبعا
ومرة تقول قال لها بجي اتريق معك
دق عليها الباب وماشالله عليه تقول جاب وكان حاسب امي وابوي واهلي اللي في البيت في ريوق كبير
وحدة ثانية تقول في تجهيزهاو لخاصة العطور لمن كان يجهز نفسه حسبها ب3 عطورات كل واحد اضخم من الثاني
طيب نجي للمضمون والزبدة لا وحدة تجي تقول لي الفلوس مو كل شي اهم شي الأخلاق والصلاة
اقول لها معليش كلامج على عيني وراسي
وصح محد بيجي يقول غلط وما يصير
بس النفس الكريمة تبين والهدايا لها دور وخاصة إذا كان مستقدر،،,وخاصة فترة الخطوبة
يلا اتحفونا 
