أفكر بالطلاق وبأمي؟؟؟

كل اللي حولي فرحاااانين .. اللي تسولف وتضحك .. واللي تشيل ولده وتلعبه .. واللي تبوس بنتها وتخمهااا..

وانا جالسه جسد من دون روح ..

روحي وقلبي و عقلي منشغل بشيء

ليه ما أتطلــــــــــق..

واريح أمــــي ..

ولا أجيب لها كلام الناس

يجي في بالي يوم يقولون فيه بنات فلانه مايحملون هذي ثاني بنت تزوجها ولاحملت أكيد فيهم بلاء..

يجي في بالي أخواتي اللي وحده منهم بعد كم سنه وجه زواج ماراح احد يخطبها لان خواتها مايحملون واكيد هي مثلهم..

طيب ليه ما اتطلق ولا أحرم خواتي .. ليه ع الاقل علشان امي مايقولون العيب من بناتهاا..

وزوجــــــــــــي

حرام مو ذنبه اللي فيه ربي كاتب هالشيء فيه ..

هذا غير حبه لي وحبي له ..

ليه اصدمه بالدنيا صدمتين .. ان اتخلى عنه .. وانه تعبااان..

طيب

انا اضمن اني اتزوج بعده … يمكن ماتزوج بعده ابد واصير جالسه بالبيت واللي حولي عازينهم ارجالهم وانا لا..

قسم بالله وجودي اليوم بالعزيمه مثل عدمــــــــه حتى لاحضوا بعضهم فيني هالشيء ..

بنــــــــــات

انا راحمه امي وربي اشوف وجهها لما تشوف بنات اقاربنا معهم عيال وجداتهم يمسكوهم .. وتصير عيونها علي تنتظر مني شي ..

ودي ابرها بشوفه عيالي قدامهااا..

كل همي امي وربي العالم بالشيء هذااا كاسره خاطري بقوووووه..

انا في حيره لايعلمها الا الله سبحانه..

بنات عطوني نصايحكم ..نوروني.. اخاف اتسرع بقرار واندم..

انا نفسي لما رجعت لبيتي قلت وش هالافكار هذي.. في احد غيري تتمنى زوج يعزها

بيت تستقل فيه هي الآمره .. الناهيه

بعدين يرجع لي كلام الناس.. لي ولامي بالذااااااات واحتار زيااااااااااااااااده وانكتم

يارب ..فرجك القريب..

يارب انك قلت وقولك حق ((أمن يجيب المضطر إذا دعاه ويكشف السوء))

يارب اكشف السوء الذي نزل بنا ..

يارب انك ارحم مني على امي ارحمها يارحيم وفرح نظرتها بأولاد بناتهااا..

يارب لاتحرمني انا واختي من الذرية الصالحه..

وبشر اختي بصبرها 7 سنوات بتؤام يؤنس وحشتهاااا..

ياحي ياقيوم أحي الأجنه في أرحامنااا وثبتهااا كما ثبت السموات والارض بغير عمد

والمسلمين أجمعين وصلى الله وسلم على سيدنا محمد وعلى اله وصحبه اجمعين