أفضل طريقه لاستخدام البيبي أويل لنعومه خرافيه وريحة مثل ريحة الأطفال..

إزييكم..

كثير من الفراشات أرسلوا يسألوني عن طريقة استخدام البيبي أويل بعد موضوعي عن المناطق الحساسه والشعر..

ولكثرة المستفسرات حبيت انزل الطريقه بموضوع مستقل عشان يجيب على الأسئله اللي سألوني إياها..

أول شي..

البيبي أويل للي ماتعرفه عباره عن الزيت اللي يستخدم للبيبي بعد الحمام وممكن انتي تستخدمينه لكامل جسمك وهذي صورته

هذا حق شركة جونسن اند جونسن…وفيه منه ألوان كثيره وكل لون ريحه معينه..

فيه الابيض ماله ريحه والاصفر والبرتقالي والاخضر اضنه بابونج والموف بالافندر…

أنا عن نفسي جربت كل الالوان

واستخدم لبنتي الموف لأنه اللافندر يهدي==>عشان يخليها تهجد وتنام خخخخخخخخخخخ..وعجبني البرتقالي احلاهم ريحه..فاستخدمه لنفسي

وفيه بيبي اويل شركات ثانيه بس ما اعرفها الصراحه ماجربت

الا مذركير لبنتي بس مافيه ريحه زي جونسن اند جونسن

وله أخو اللي هو الجل هذي صورته

وهو مكمل له وبشرحي للطريقه بتعرفون..

طييييييييييب وين ينباع..

ينباع بكللللللللللل بقاله وسوبرماركت وصيدليه تلاقينه بقسم الشامبوهات والصوابين او بقسم الاطفال..

وسعره ما اذكر بالضبط بس مايتعدى 20 ريال..مو غالي ابد

طريييييييييقه استخدامه..جربت 3 طرق..==>أيام الفضاوة والروقان قبل العرس والبزارين..^_^

أحلى طريقه واروعها واللي مره انصح فيها..

إذا خلصتي متحممه جيبي البيبي اويل والجل حقه ==>وزي ماقلت افضل البرتقالي لأنه أحلاهم ريحه..

المهم اذا خلصتي متحممه خلاص خلصتي كل شي لفي شعرك بفوطه

بعدين جيبي الجل هذا وابداي وزعيه على كامل جسمك ادهني كل جسمك بالجل

وبعدين جيبي البيبي اويل الزيت وادهني جسمك فيه فوق الجل ==>أدري بتصير الدنيا خبيصه تابعي..

بعدين افتحي الدش واغسلي جسمك بالمويه..

وأطلعي واتنشفي….وإذا كنتي رايقه وتبين نتيجة أفضل البسي روب أو لفي فوطه على جسمك

واجلسي استشوري شعرك او سوي اي شي لحد ماتحسين انه البشره امتصت البيبي اويل والجل

والبسي..

وفيه طريقه ثانيه….بس مو مره حبيتها

تحممين وتطلعين تتنشفين وبعدين تحطين على كامل جسمك بيبي اويل وتتركينه ينشف من حاله

وماتلبسين على طول..

وإذا مستعجله تنشفي بطريقة الضغط يعني تضغطين الفوطه على جسمك ضغط بس عشان ماينمسح..ويروح البيبي اويل كله بالفوطه

وممكن إذا مستعجله مره

وانتي تحت الدش قبل تطلعين ادهني جسمك بالبيبي اويل بس بعدين رشيه بمويه
وطلعي وتنشفي والبسي عادي

وهذي هي الطرق …وانصح بعد استخدامه ماتتعطرين..حطي دهن عود ولا مسك ولا شي خفيف مره عشان مايغطي على ريحة البيبي اويل..

النتيجه..

نعووووووومه مب صاحيه وريحة خرافيه وجسم مثل جسم الاطفال بالضبط جربوها وادعوا لي الله يسهل أمري ويفرج كربتي..

وبالنسبه للي يقولون البيبي اويل مع الاستخدام يسمر ويسود..

أقول مو صحيح يسمر لو تعرضتي للشمس بعده..يعني تشمستي..

أنا استخدمه من سنين..والحمد لله النتيجة مرضيه..

واللي مافهدمت أو عندها استفسار لايردها الا كيبوردها..أنا تحت امركم