أستحي أستحي أستحي

يا بنات انا وحدة خجولة جدا جدا عندي فوبيا اشكال والوان وخصوصا فوبيا المستشفيات وفوبيا الدكاترة والرهاب الاجتماعي

وعندي مشاكل صحية فوق الخمس مشاكل ومضطرة اروح لدكتورة نساء وولادة

زرت 3 دكاترة من قبل بس ما قدرت اشرح لهم ولا شي من خجلي وخوفي يمكن اللي قدرت اتكلم عنه مشكلة واحدة فقط وكانت عادية بس المصيبة اني انحاش وما ارجع مرة ثانية علشان آخذ العلاج او اجراء التحاليل ..

مجرد ادخل المستشفى من البوابة يجيني خوف ورهبة مو طبيعية حتى بالاستقبال اتكلم واعطي معلوماتي بصعوبة حتى موظفة الاستقبال تقول لي شكلك صاعدة ونازلة الدرج كثير قبل ما توصلين هنا ارتاحي شوي وتعالي ..!!

وفي الانتظار يمغصني بطني واحس ببرد شديد واطرافي تتجمد

ولما ادخل للدكتورة استحي ويصير وجهي احمررررر وما اقدر اتكلم ولا اناظر لها ويتغير صوتي وارجف واعرق .. وانسى كل الكلام اللي جهزته .. ثنتين من الدكاترة اللي رحت لهم من قبل صح شجعوني على الكلام بس ما قدرت اتكلم إلا في مشكلة وحدة بس .. والدكتورة تضحك وتقول الحين بعد كل هالخجل والخوف تطلع مشكلتك بسيطة وعادية ؟؟!! توقعت ان عندك مشكلة كبيرة ومستحية من الفحص ..!!
وفي الحقيقة انا عندي مشاكل تتطلب فحص بس ما اقدر اتكلم فيها من خجلي الشديد

وتكتب لي تحاليل .. آخذ الورقة وانحاش وما اسويها ولا ارجع للمستشفى بكبره

الحين يا بنات انا من جد مضطرة اروح المستشفى الأسبوع الجاي واخذ موعد مع دكتورة نساء وولادة ودكتورة باطنية

والثنتين 100% رح يطلبوا فحص سريري

والحين اواجه مشكلتين :

1) الكلام وشرح الحالات اللي فيني .. وهذي المرة الرابعة وما ابيها تفشل مثل المرات اللي قبل .. بس والله ما اقدر اسيطر على نفسي وما اقدر اتكلم .. حتى لو قدرت اتكلم ما اقدر اشرح المشكلة العميقة اللي تحتوي على كلمات نسائية بحتة ” سوري على الصراحة ” ولكن عن جد ما اقدر انطق هالكلمات .. هذا غير الخجل من الدكتورة نفسها

2) الفحص السريري … ومشاكلي لازم فحص سريري .. وانا استحي ويمكن اتشنج ويغمى علي اثناء الفحص من الفوبيا والخجل … غير كذا انا ما احب احد يلمسني .. على طول اقرف ويجيني غثيان
* يعني تخيلوا يا بنات .. إذا وحدة لمست راسي او شعري او نغزتني على جنبي اتضايق اول مرة واذا كررتها على انها تعاند او تمزح اعصب مرررة واترفز ويمكن اضربها .. وحصلت مرة وحدة فقط اني ضربت بنت كانت تمزح معي .. بس هي كانت عارفة اني اتنرفز من هالحركات ومتوقعة هالشي .. بس للحين ندمانة على الموقف *
اذا شعري وراسي وجنبي وصار كذا .. كيف اذا كان كشف ( …… ) …!!!

فكرت بحل وهو اني افهّم الدكتورة ان عندي مشاكل بس انحرج من شرحهم واكتب مشاكلي في ورقة واعطيها للدكتورة اذا دخلت عليها يوم الموعد .. بس انا اخاف من ردة فعل الدكتورة ما تكون ايجابية وتتفهم وضعي .. خصوصا ان الدكتورة ما اعرفها واول مرة اشوفها وما اعرف
طبعها .. واخاف ترفض تقرا وتجبرني على الكلام ..

للمعلومية .. أنا بنت موب متزوجة .. ومشاكلي ما اقدر اتكلم فيها مع امي او خواتي يعني لا تقولون لي روحي مع امك او اختك وهي تتكلم عنك .. بالعكس انا افضل اني اروح لحالي ولا اجيب معي احد ..