أدعو لصديقتي الله يأخذ حقها أخذ عزيز مقتدر من اللي فضحها

أرجو منكم التفاعل معي بالموضوع لأنه مهم جدا

يابنات ايش رايكم برجال يفضح وحدة من آقاربه عند خلق الله ويتكلم عليها في عرضها وشوه سمعتها وسمعة أهلها عند خلق الله أجمعين وفي كل مكان يروح له ويمشي عند الناس وهو فرحان ويضحك انه منتصر عليها وانه قدر يفضحها في عرضها وانه قدر يخلي الناس تصدقه

وكل هذا بسبب مشكلة تافهة صارت بين هذا الشخص وبين أهل صديقتي

أنا قاعدة أقولكم الموضوع علشان صديقتي نفسيتها تعبانة مرة وتصيح ليل ونهار وانا ماعندي كلام أقدر أصبرها بيه أو أحاديث تبين عقوبة اللي يفضح شخص أو اللي يتكلم في عرض الناس خصوصا ان الحين كل أقاربها صدقوا عنها الكلام وبعد زايدين عليه

وتخيلوا يوم جت قريبة صديقتي تزورها قالت لها ان الله بيعاقبه اذا كان كاذب تبي تجس النبض على قولتهم وانا كنت جالسة معهم وقلتلها والله إن شاءالله ربي بيعاقبه إن كان كاذب وان كان صادق هذي أعراض ناس مولعبة ولا لأ

مع العلم ان صديقتي انسانة ملتزمة وتخاف الله والجميع يشهد انها محترمة لكنهم سبحان الله صدقو ذاك الرجال سبحان الله لأن كل الناس عندها انطباع عنه انه مايكذب لكن والله حتى أهل صديقتي استغربوا كيف صار هذا الرجال أكذب خلق الله وفي ناس يقولون انه في أحد وراه يدفعه ل هالكلام وحتى ولو فعلا في احد يسلطه هل هذا ينجيه من الذنب