أدخلى ضرورى

انا مشتركه فى لعبة ترافيان لو تسمعوا عنها وطبعا دى مجرد لعبه مافيهاش لا شات ولا غيره الحمد لله والمعلومات ما بيبانش فيها غير اسمى اللى انا مختاراه وبلدى ومعلومات عن اللعبه المهم فى واحد ارسلى جنود للمساعده فى اللعبه وانا شكرته فرد عليا بالانجليزى وانا بحب اتكلم انجليزى كويس فافتكرته اجنبى ورديت عليه بالانجليزى وكنا بنتكلم على حاجات فى اللعبه عادى وبعدين قاللى انتى من مصر قلتله اه طبعا كلامنا كله بالانجليزى فقاللى واو انا درست فى مصر فمن فضولى حبيت اعرف هو منين وعربى ولا لأ قالى انه فلسطينى وده كله رسائل على اللعبه عادى وقال ان هو بيحب مصر وكده وسالنى على رايى فى السعوديه نظرا ان انا فيها السنادى وقلت رايى وهو رد وانا برد على اد سؤاله وخلاص بس صاحبتى شافتنى وانا برد مره قالتلى انتى بتكلمى واحد اجنبى يا عم يا عم قلتلها يا بنتى انا مالييش دعوه بيه انتى بتلمحى لايه هو انا عملت حاجه غلط؟؟؟؟ للعلم هو لا يعرف ايميلى ولا بينا شات ولا اى حاجه هو بس مايعرفش غير اسمى وبلدى وانا كذلك ولو انا غلطانه اعمل ايه؟؟ وانا مش عاوزه اقفل اللعبه لان انا بحبها اوى وبدخل عليها كل يوم لما اخلص مذاكره