عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
اليوم وانا في السوق طارت عيوني بالصدفة على جهاز انا مستنيته من زمان .. وهو البيبي الصغير نوكيا 6700 slide.. طبعا على طول طرت واشتريته 😛
الجهاز يعتبر من أجهزة نوكيا العادية جدا يعني مافيه اي جديد غير الوانه الرائعة .. وانا بصراحه مع اني مطلقة نوكيا من فترة بس احبها في الأجهزة الخفيفه العملية ..
المهم بالنسبة للجهاز .. اولا سعره خرافي ومناسب جدا لمواصفاته المتوسطة : 849 ريال
الألوان الموجودة حاليا : الأزرق (مو حلو على الطبيعه ابدا )
الفضي
الفوشيا (هذا اللي شريته ) مع انه كان ودي بالموف بس يقول توه امس نزل وهذا المتوفر فقط
علبة الجهاز صغيرة .. يجي فيها الجهاز +شاحن +بطارية+سماعة+ميموري 2 جيجا+كتيب تعليمات وضمان .فقط
مايجي معاه سي دي ولا يو اس بي كيبل. ➡
الجهاز حجمه مرررة صغير وناعم عكس الصور اللي شفناها اول ..وللأسف انا احب الأجهزة الكبيرة .. 😐 يعني بيعجب البنوتات النعومات ..
الأزارير مريحة جدا وعملية بالكتابة ..
شاشته صغيرة شوي بس مو شينة ..يمكن لأني تعودت على الياري وc905 ..
طبعا ما فيه وايرلس 
المينيو مثل ما هو ومافيه اي تغيير ..
بلوتوث
الصوت بصراحه عالي بس ما حسيت انه صافي .. مدري ما عجبني 😆 hy: يعني حتى ال n82 صوته اصفى !!
الكاميرا 5 ميغابكسل .. وبحط لكم صورة من تصوير الجهاز ..
اممم وش بعد 💡 مافيه ازارير الصوت اللي عالجنب بس فيه زر الكاميرا
ومن فوق يجي مدخل الشاحن النحيف العادي 😆 🙄 <===يا زين الشرح
ومدخل يو اس بي ومدخل nokia av
باختصار .. الجهاز مافيه اي شي مميز غير الوانه وما يستحق الانتظار والحماس اللي انا كنت فيه 😈 .. بس سعره جدا مناسب .. وينفع جهاز اضافي للسفر مثلا ..او للي يحبون الأجهزة البسيطة .
وهذه صور الجهاز عالطبيعه حطيته جمب البلاك بيري عشان تقارنون حجمه
طبعا انا بيصير عمري 70 سنة بس ما اقاوم الفوشيا والبينك 😡 ➡ عقدة عاد وش اسوي.
وهذه من تصوير الجهاز نفسه
اتمنى يفيدكم الموضوع .. واللي عنده اي استفسار بالنسبة للجهاز انا في الخدمة ..
سي يو ➡
