عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ,,
بنــآت سالفتي هي بـ أكثر من بيت .. خصوصاً بالسعوديه ,, لا تجيني وحده تنط لي وتقول لا تتكلمين عنهم كذا ومدري وشوو وتدافع .. لأني من الحين اقولها ما عندها ما عند جددتي وهي مسويه مثاليه وعيال وطني وتحيز ومدري ايش والدعوه خرطي .. هي ما عاشت الوضع عشان تحكم وتطلع رايهاا ..
بنــآت تكفون شوفوا لنا حل ترى كثيييييييييييررر مثلي مو بس انا ..
شوفوا.. انا ابوي الله يرحمه توفى وانا صغيرره مره صغيره .. وعندي اخو .. وماعندي خوات نهائي , مشكلتي هي ان اخوي ماخذ أكبر من حجمه بـ كثيييييييييييييييييييييررر ..
شايف نفسه انه رجال البيت ويتحكم في كل شئ علينا .. هذا شئ حلوو انه يكون رجال ويتحمل مسؤوليه .. لكن هو يتحكم بأشيااء مالهاا دخل قصده بيصلحني !! ..
أول شئ .. انترنت .. بنات تخيلووا مره شافني داخله النت سلخ جلدي سلخ , ضربني ضرب موب طبيعي ..وكأني عايشه عنده بالبيت أو النت بـ فلوسه .. الله يخليلي امي بس والله لولا الله ثم هي كان شفتوني بشهار الحين ,,
ثاني شئ .. التلفزيون ما يخليني اشوف الا نــــــــــــــــآآدرر دايم يفصله عني ما يبيني أشووف مع اني اشوف اشياء عاااديه وماهي حرام ولا عيب بس كذا نذاله ..
ثالث شئ .. واللي مرررررررره يبين لكم انه ماخذ اكبر من حجمه .,, اذا نامت امي يستغل الفرصه ولا يخليني أدخل الصاله نهااااااااااااااااااائياً >> اكيد عشان يشوف اشياء وصخه زيه على راحته , لا تقولوا احسني الظن , هو حاط قنوات مررررره استغفرالله يارب وحاطها برقم سري .. ومره دخلت عليه الصاله بالغلط لقيته يشوف فلم فاااااااااااااصخ
رابع شئ .. سبق وان قلت لكم انوو ماعندي خوات .. وهذا يخليني داييييييييم لحالي , وطبعاً ماهي حال هذي ؟!!! ..
فـ أحياناً اكلم صديقاتي بالتلفون شوي .. تخيلوا يجي ويفصل التلفون وانا اكلمهم , وانا ياحليلي على نياتي مابي اخرب سمعة اخوي عند صديقاتي واقعد الفق له .. مع انه ترااب ولا يستااهل .. مع ان التلفون امي اللي تدفع .. وبالعكس امي الله يخليها لي هي اللي تقول كلمي اي احد مو معقول حالتك كذا ما تطلعين ولا تشوفين احد ولا شئ ..
خامس شئ .. جوال مانعني .. مع انه شئ طبيعي الجوال وكل اقاربي اللي اصغر مني عندهم جوالات ,,
ماهمتني هذي النقطه طنشوهاا ..
سادسسسسسس شئ والأدهى من هذا كله والأمر .. اني دايييييييييييييييييييييييييم ألقى معاه سيديات جنس >> أتأسف اني كتبت كلمه مثل هذي بس عشان أوضح لكم الصوره ..
سابع شئ .. انه دايم ما يصلي بالمسجد .. حتى برمضان استغفر الله استغفر الله كان ينام طول الوقت بعدين اذا اذن المغرب ينزل يفطر ويرجع ينام بعدين يصحى الساعه 1 ويصلي كل الصلوات استغفرالله الناس يستغلون هالوقت ويتهجدون وهو يصلي متاخر وبدون عذر يقوم يبلع وينسى الصلاة استغفرالله استغفرالله استغفرالله واتوب اليه ..
أمي مسكينه أرحمهاا .. ما تقدر عليه يممممممممه يخوف عظااامه بس اقسم لكم انه مره مسك يدي قعدت حوالي 3 ايام احس ان يدي مكسوره .!! هذا وهو ماسكهاا بسس كيف لوو شد عليهاا .. لا وقبل كم شهر اقسم لكم ان كل جسمي ألوااااااااااااان من ظربه وكلهاا اسباب سـ خـ يـ فـ ـه ..
مره كلمته.. قلت له انا اختك اقسم بالله ما اذيتك ولا شئ ليه انت كذاا خايف علي يعني موب كذا الخوف ؟؟
قال لا موب خوف بس كذا نذاله ابيك تكرهين الدنيا
ااااااااه وقتها اقسم بالله اقسم بالله اني لو لقيت سكين قدامي والله العظيم كان خذيتها وقعدت اطعن فيه من زود القهرر
بنات صرت دايم افكر اقتله .. مره مكرهني بعيشتي ,,
يعني بنات بالعقلل ..هو ما يبيني اقعد بالصاله ويبيني دايم بغرفتي وكل نص ساعه كذا يجي يفتح الباب علي يشوف وش انا اسوي .. حتى يفتح الباب بدون لا يطقه عشان مايعطيني فرصه اخبي شئ تخيلوا مره دخل فجاه كذا وشاف ساقي مكشوفه قام ظربني .. طيب انا بغرفتي يمكن اغير ملابسي , من الذوق اصلاً تدق الباب ..
بس هذا وين والذوق وين .. خله يعرف الاخلاق اول بعدين يعرف الذوق
ولا يبيني اكلم احد ولا عندي احد نهاااااااااااااائي اكلمه الا نفسي اقعد كذا واجلس اسولف مع نفسي .. لا تضحكوووووون وقسم بالله انه من زود التحجيرر يعني وش هالحاله ..
بنات بالله موب هذا اكثر جوو يهيئ ان الوحده تصير تكلم ؟؟
اناا الحمدلله عاقله وما افكر بهالشئ .. وهو اصلاً ما يبيني اعقل بس يبي يقهرني ويحجرر علي
لا وتدروووون ان الجبروت هذا كم عمره ؟ 18 سنه .. يعني ثالث ثنوي .,,
ما أقول الا يــآصبر الله على عبآده !
لا أحد يجيني ويقول مرآهق ومدري ايش , ترى حتى البزر يرحم !
آآآآآآآآآه يا أبوي الله يرحمك والله لو انك حي كان ربيت هالثوررر ..
امنيتي كذا لو ابوي حي والله ان يصير رجال ويتربى لكن مشكله والله اذا ماهوو عامل لأمي حساب ..
الله يصبر امي على هالحمل الثقيل .. والله انه اكبر مصيبه ,,
,,
والنتيجه :
1/كارهه أخوي من قللللللللللللللللللب.. وادعي عليه من قلب
2/شوفوني ادخل نت من وراه وعندي جوال من وراه وربي فاضحه قدامي ادري عن كل حركاته الوصخه يعني التحجير موب نتيجه
3/ اذا شفتوو احد يحجرر كذاا تأكدوا انه راعي حركات .. هو يسوي كذا عشان يحسبني اسوي زيه
الزبده**** لا تحجروا على بنااتكم ترى كل ما سكرتوا عليهم باب الشيطان يفتح لهم باب اخس منه .. فـ عطوهم حريه بـ ثقه ومع مصادقتهم وتعليمهم مراقبة الذات والله يصيرون ناس متفهمين و واعين ويعرفون الصح من الغلط من عمر 12 سنه ..
…
بنــآت انــا ما كتبت هالكلام الا من حره في قلبي ..واقسسسسسم لكم اني عاقله من ربي ولاعندي حركات بنات نص كم وكذا بالعكس انا استحقرهم وهذي نتيجة تربيتي موب تحجير هالبزر علي .. وانا صح اني ادخل النت من وراه وعندي جوال من وراه لكن بنفس الوقت مراقبه ربي .. دايم ادخل عشان اقرا ..واكثر شئ الفراشه وحواء ,, واشياء تفيد وتسلي من جوه المخيسس .. ,,
بنـــــآآت تكفوون ادعوا لي انه يدرس هالسنه بعيييد عن منطقتنااا وبعدين يتعين بعيد عناا ونفتك منه ومن شره جاب لنا السمعه المخيسه الله يخيسه ,..
أخي العزيز * أنت أكبر عثره عشتهاا بحياتي .. وراح اتجاوزهاا قريب بإذن الله .
آآه ارتحت , اخيرآ فضفضت لأحد يسمعني غير الدفآترر !
[ أصعب شئ بالدنيا يولاك بزر ] ..
اللهم أجرني في مصيبتي واخلفني خيراً منها ..
اللهم إرحم أبي وادخله الجنه بغير حساب ولا عقاب يا الله ..
اللهم اجبرر كسرر أمي ..
شكرن على الإنصــآت .. : ) 
“ريووش حبيبتي شكرن ع اليوزر نردها لك بالأفرآح“
