عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
بدخل بالموضوع يابنآآت على طول لأني ماعرف للمقدمات
بناات أنا المشكله ماتخصني لكن تخص أخوي والله يابنات لا ليلي ليل ولا نهاري نهار بس أفكر بالحل ماني قادره أصدق إن أخوي يكون من هالفئه المشكله إنه أخوي الوحيد
بنات أنا إكتشفت إن أخوي لوطي آسفه على الكلمه لكن طلع يحب الشباب مايميل للبنات نهائي إكتشفت هالشي من فتره أخوي عمره 27 سنه مدري وش السبب لكن من تعرف على واحد ناااعم يصير أخو رفيقه الولد مررره ناعم مره وراني فيديو لأصدقائه وهو معاهم بالبر وشفت هالناعم يرقص رقصص بنات وقلت لاخوي معقوله تماشي هالاشكال قالي لا الولد هذا شكله لكن والله ونعم فيه ، عدت هالمره لكن المره الثانيه ولما كان شابك على جهازي وليته ماشبك عليه المهم طفى الجهاز فجأه وتركه وراح انا جيت وقعدت بعده وسبحان الله ربي يبي يكشفه لما شغلته طلعت لي الصفحات اللي كان فاتحها جيت بحط صفحه جديده وحطيت ماسبق فتحه وياااليتني ماحطيتها طلع أخوي يدش مواااقع للوطيين ولد مع ولد والله يابنات صدمتي كبيرره طفيت الجهاز وقعدت أبكي قهر مدري كيف وصل لهالوضع المصيبه إنه لما يقعد معنا يتكلم عن الدين ويقول ليتني أصير مطوع ووو كلام كثير لكن مايطبق هالشي وفوق ذآ مايصلي والله مايصلي يمكن آخر مره ركع فيها قبل سنيييين وآخر مره قرآ القرآن لما كان بالمدرسه نفسيتي متأزمه منه قلت لاختي الكبيره وقالت انا كنت عارفه بهالشي وانا وياها مالنا وجه نقول له كيف بقوله المهم أختي وصلت لامي وقالت إنها تشك بهالشي وأمي قالت حتى انا كنت حاسه و24 يكلم شباب بالتليفون ويقول كلام ماينقال ، صارت لي مواااقف كثيره معاه وكل مره ربي يكشفه لنا تعبت والله يابنات أمي إرتفع عليها السكر والضغط وقامت تدعي عليه قلت لها يمه كلميه قوليله اللي يسويه ماهو صحيح ذكريه بربه لكن المشكله انه مايسمع من امي بس فالح لي يرفع صوته عليها وأبد مايسوي اللي تبيه ، ندعي له دايم بالهدايه لكن الوضع بدا يخوف ، المشكله إن ريحته بدت تفوح في الحاره ، والله والله والله يابنات إني تعبت تكفون أبي حل لا تقولون واجهيه لاني أنا أضعف من إني أواجهه قسم بالله إني خايفه عليه هذا أخوي سندي يسوي هالسواة خايفه عليه من ربي والله إن ذنبه عظيم تكفون يابنات ساعدوني تكفون
