أختي الله يصلحها>>> تكفون ساعدوني

و الله ماكتبت لكم إلا بعد ماضاقت فيني الدنيا..واستنفذت كل الحلول..فتكفون لا تبخلون علي بالمساعده.. لو بدعوه…

المشكله ما أدري هل هي في أختي أو فينا بس أنتو أقروا وأحكموا…

أختي عمرها 18 أصغر مني بـ3سنوات … أختي هذي قلبها قاسي ماترحم أبدا والتفاهم معها بالهدوء مستحيل … المهم أنا عندي أخوات أصغر منها (10-13) الله يحفظهم ..موريتهم نجوم الظهر .. تضرب فيهم على الصغيره والكبيره..مو أي ضرب ممكن بكاس أو سلك أو تضربهم في الباب أو تعضهم لما يطلع دمهم..المهم تعذبهم على أسباب سخيفه..وأنا أتدخل بالكلام أحيانا و إذا كنت موجوده أفكهم بس أني ما أقدر أمنع الضرب عنهم … لأن أختي طويله و عريضه و أنا لا ..طبعا ما تسوي كذا إلا إذا تأكدت أن البابا والماما نايمين و إذا غلطوا عليها وهم موجودين تجمعها في قلبها لما ينامون … و إذا قاموا بابا وماما وعلموهم أخواتي تصير ردة الفعل ضعيفه بس يكلمونها لأنهم ما شافوا اللي شفته… طبعا قلت لأمي كم مره و تكلمها وأخواتي أجتمعوا مع أمي وقعدوا يبكون ..راحت أمي كلمتها قلبت السالفه كلها (أنا ما أحد يهتم فيني … محد يراعي شعوري ) ومن هالكلام… وفي الفتره الأخيره زادت و إذا كلمتها أنا أو تدخلت تزيد عليهم مساكين ..آخرها أمس قالت لأختي الصغيره قطعي طماط أختي كانت تتابع مسلسل ونست …ضربت راسها في الباب وحرقتها بالقدر..جتني أختي تبكي … أنا ماقدرت أستحمل …قلت لها قومي بابا يتفاهم معها.. حاولت تمنع أختي تقوم أبوي تدخلت أنا ..وعضتني عضه الله لايوريكم يدي إلا الآن توجعني…
طبعا قام أبوي هزأنا كلنا وحسيت أني أنا الغلطانه وضاق صدري وهي ما همها كملت جلستها على اللاب عادي.. والله أني من غير شعور صرتأدعي عليها وأقول أنتي مريضه نفسيا ..مو طبيعيه..
صرت أرحم خواتي مساكين إذا شافوا بنات خلاتي كيف يعاملون أختهم الصغيره ..مع العلم أنهم يحترموني جددددددددددا وكلمتي عندهم مسموعه أكثر من أمي .. بس أختي الله يهديها لازم تفشلهم عند الناس..

تكفووووووووون بنات قولوا لي وش أسوي… كلمناها أنا وأمي مانفع تقلب الموضوع أنها هي المظلومه…حاولت أتقرب منها هدايا وتقدير ومدح حتى أني كل ما شريت لي شي بمكافأتي الخاصه شريت لها معي…أمي مسكينه كل ما طلعنا السوق مستحيل ترجع إلا شاريه لها شي… سوينا لها حفلة نجاح وجبنا لها هدايا ..ما كانت تحلم فيها ..تعدلت يومين ثم رجعت أسوأ..
مع العلم أنها مع الناس قمه في الأدب والأخلاق و أسلوبها يجنن…بس في البيت تنقلب وحش