أخاف أطيح من عيونه..رأيكم !!

هلا وغلا يافراشات……اليوم جايه على الله ثم عليكم فلاااا تبخلوا علي بأرائكم ….الموضوع من جد مجنني …

القصه ومافيها…. تقدم شاب لخطبتي ولقيت فيه المواصفات اللي أبيها وبعد الإستخاره إرتحت له والحمدلله ….طبعا جت أمه وتكلمت رسمي بالموضوع…وبعد ما أخذوا أهلي موافقتي عطو الناس رد بأن إحنا مو موافقين ولارافضين إلين ماأتخرج هذي السنة من الجامعه …ومن غير خطوبه ومن غير تعارف ….

طبعا مرت الأيام وتواصلت أخته معاي وفهمت مني إني مرتاحه له وموافقه عليه وبعد أهلي موافقين بس ماصرحوا لهم عشان الولد كان يبي خطوبه سنتين وخافوا أهلي لو يجي يوم ويفسخ الخطوبه لأي سبب وانا اللي أروح فيها وتتعب نفسيتي لان إحنا عندنا عقد وملكة على طول ولا التعارف والمسجات وغيرها .

في يوم دقت علي إخته وقالت إنه يبغى يرسل لي رساله على إيميلي ويكلمني فيها عن بيته اللي بيبنيه ويبي يكلمني على شروطه لو موافقه بينتظرني إلين مايخلص أمور الزواج وأخلص أنا دراستي وانا وافقت وفي نفس اللحظة لمحت لأخوي الكبير إن ممكن يراسلني بس بطريقه غير مباشره …قعدت أقول وش فيها لو رسل ..وماتجاوزنا حدود الأدب …وماعطاني أخوي رد وكأنه يقول مالي شغل سوي اللي برأسك وهذا من ثقته فيني والحمدلله خاصه إنه هو اللي سأل عنه وسافر لمحافظته.

كان في رسالته الاولى مؤدب جدا ورسمي وبعدها توالت الرسائل بيننا بدون علم أهلي إمكن بس زوجة أخوي أما أهله فهم يعرفون كل شئ وإنه يتواصل معي بس بالأيميل….

أمي وابوي في الخارج واخواتي متزوجات وعايشه مع أخوي الكبير وزوجته…..وهو جاء مره ثانيه هو واخته بناء على طلبي منه عشان نكون رسميين زياده وقابل أخوي وكلمه بالموضوع مره ثانيه عشان يلقى نفس الرد …وكان جايب لي بوكيه ورد وخاتم ذهب طبعا مو دبله وجاب لأخوي وزوجته عطور…..وتعشى ذيك الليله عندنا وانا حطيت له سفره رومانسيه بشموع و حركات وماقال اخوي شئ !!!!

قعدنا تقريبا 6 شهور يوميا نراسل بعض وصارت علاقتنا قويه جدااااااااااااااااااااااا جدااااااااااااااااااااا والحمدلله …وإرتحت له وهو بعد لي ….وكنا نضحك ونمزح ونستهبل كما لو كنا أخوان ونعرف بعض من زمان ..وكانت رسايلنا فيها الصراحه والواقع والحب والغزل والرومانسيه والخواطر وكل شئ والتفاهم ومناقشة أمور المستقبل وابدا ماشفته ولد لعوب أو يتسلى ماشاء الله لاحول ولاقوة الإ بالله ……

بعد ذي الفترة كلها كان في جهاز الكمبوتر حقي فيروس ومايشتغل زين فاضطريت أطلب من أخوي يصلحه لي وطلب مني أمسح كم مجلد وملفات وفجأة فتحت رساله من رسايلي له بالغلط وقرأ أخوي مطلعها وهي كلام حب له أنا دارت فيني الدنيا وهو قلد نفسه ما قرأ شئ ….وقال بصلح لك الكمبيوتر وبخلي النت سريع مثل الطياره بس حذفي الملفات الزايده اللي تثقل عبى الكمبيوتر وتركني وطلع …..

رحت وأرسلت لخطيبي اللي ما خطبني رسمي طبعا ..وماعلق على الموضوع
بعدها بفترة تجرأنا زياده وبدينا نتكلم مو بالخطوط الحمراء لااااااااااااء بس ببدايتها مثلا كنت أكلمه عن بنت أختي اللي عمرها سنتين وهي بتنام جنبي تكون مره شقيه وتشد شعري وتفتح أزرار ملابسي وهو يرسل لي ويقول أنا بكون شقي أكثر منها و ماراح أخلي عليك ولا قطعة ملابس !!!
مثلا كنت أقول له إني بحب أتحمم كثير واحط خلطات بجسمي وهو يرد ويقول إنه يوم وده أحممه ويحممني …أستغفر الله …وأنا أحيانا أمزح معها واقوله عييييب ماراح تقدر…اتحداااااااك ….ممكن تبطل ….ومن ذا الكلام بس أبدا أبدا ماتعمقنا أكثر من كذا هذا حدنا .

في لحظة جت جارتنا وقالت امها تحبني جدااااا و محطيتني في بالها لولد عمها اللي من نفس محافظة خطيبي …وانا رحت بحسن نيه أسولف لخطيبي عن اللي صار بس قلت له أنا لك وبس ….وبدأ يرسل لي كلام غزل
وبعدها بديت أحس بالقلق والضيق وتعبت ورحت وكلمته لو ماكنت نصيبي ولو يوم خذلتني …أنا ندمانه إني راسلتك وتكلمت معاك وتجاوزت حدودوي ….. إنت تعديت حدودك معاي ولو تحبني صدق ماتكلمني بكلام جريء …. وإنت فتحت علي أبواب أنا في غنى عنها ….ونزلت عليه وقلت خلاص لاتنتظر مني كلمة حب ولا من هذا الكلام وإذا بنتكلم بس نتكلم في شئ مهم وبس .

من يومها رد علي وقال إنه من الاول
حس إنه خجلان جداااااااا يوم إنفتحت رساله بالغلط وقرأها أخوي وقال أنا حاس اللي نسويه غلط وخفيه عن عيون الناس وانا ما أحب أكون كذا بس حبي لك خلاني أنسى نفسي واراسلك لأنك خلاص بإذن الله بتكونين زوجتي وحلالي ….وقال إنه من يوم ورايح ماراح يتواصل معي وإذا أبي شئ بيني وبينه أخته إلين مايخلص بيته ويجي يعقد علي رسمي …و كان في رسالته كلام حب وإنه مايبي نهاية رسايلنا تكون كذا بس غصب علينا ولا المشاكل….وقال لو طالت الأيام فينا برسل لك كلمة من أربع حروف بس …….

الحين لنا 4 أسابيع تقريبا ما ندري عن بعض…..و وحده من قريباتي قالت إنها بتسافر للمحافظة اللي هو فيها بالصدفه…..فنسيت نفسي ورحت شريت له ساعة غالية جدااااااااا وكتبت له رساله بخط يدي إني مانسيته وأدعيله والله يجمعنا….وختمت له بكلمة ….حبيبتك وشريكة حياتك بإذن الله ……وخليت قريبتي تعطيها أخته في العمل وتحطها له فوق سريره ……وانا رسلت له رساله وقلت له (( إشتقت لك يا …….. أنا هالمره دخلت غرفتك وأستناك فوق سريرك لاتتأخر علي . أحبك ) ……وأخته ساعدتني كثير…..

اليوم الثاني فتحت إيميلي ورسل لي رساله مافيها إلا العلامه هذي بس

(….) يعني قصده كلمة من أربع حروف

وش رأيكم يابنات في اللي بيننا….ضنكم حبني وتفاجئ من اللي سويته ….ودي تنصحوني وتعطوني أرائكم…..علموني وش أسوي الحين …أخاف إنه متضايق ..واللي سويناه بيخرب علاقتنا…..ودي أسأل إخته بس أخاف تقول اني مطيوره وماشفت خير خاصه إنها توصل له كل شئ وهي تدري بتوقف رسايلنا …وتعرف بحبي له …

حاسه نفسي مو على بعضي….ممكن نصايحكم…. أحس بالذنب وإني طحت من عينه….بديت أوسوس….مع إن الولد واهله محترمين بس صرت أخاف من عواطفي نحوه …وندمانه ياليت كنت ثقيله من الأول….مع إنه كان يقول خليك على طبيعتك وانا أبغاك كذاااا…وخليك واثقه من نفسك وفيني !!!!