أحــد مثلي ولابـس انآ…. ههههه اقوول السنعه تدخل لحد يفشلـني هع هع

السلام عليكم ورحمه الله وبركاتو
كيفكم بس<<
المهم شسمه مآنيب مطوله عليكم وببدآ بالسالفه والي تشوف كلجات ولاحاقـه تغض النظر<<الهيئه
نبدا على بركه الله ❗
انني فتاتن قد عشت في بيت<<لالا ماتصلح الفصحى الله يخلي استاذه الدين ودي اخذ عندها كورس لتعليم الفصحى
ايوه وين كنا
يلآ ببدآ اعرفكم على نفسي وعلى وضعنآ بشكل عاآم علشآن تلقون لي حل
اول شي انآ وحيده بآبي ومآمي من حيث الانآث<جات بالغلط
المهم انتو عارفين البنت الوحيده يعني دلوعه اهلها وطلباتها اوآآمر وكل شي عندها
اصبرو ترآني خلوني اخق مع الكلام شوي 😆 🙄 <<طسي بس
المهم من طلعت في هالدنيآ وفتحت عيوني وشفت النيرس تطل بخشتي ..والى الآن
بصرآآآحه وبكل صرآآآحه الا صرآآحتين<<من يزود
أنــا
انأأ
فــآشــله بالأمــور المــنزليــه
اول شي خذو نبذه ثآنيه هع الي يسمعني يقول ويكيبيديآ;)
انآ ناجحه بكلشي..درآستي متفوقه ماقصرت صراحتن9 سنين وانآاكرف وانآفس على المركز الاول<<ياعيني
وبكل شي زينه فيييه يعني ماعليه كل شي تمام ماعدآ هالشي
اني فـآشـله بالامــور المنـزليـه<<متعوب على هالكلمه
بتقولون وش يعني وكيف
اقولكم انآ بصرآحه ماعمري دخلت المطبخ ولاعمري مسكت مكنسه ولامسحت جدآرخخخ ولاغسلت مللابس ومواعين ههه
امي الله يخليهآ صآبرتن علي طول هالسنين تقول متى تتعلمين وانا اقولها السنه الجايه السنه الجايه وتمر السنه وتروح بسلامتها وانا مازلت بالتبطح والدلااااال الزائد<<احلفي
بختصآر انآ ماقلت هالكلام علشآني حآسه بنفسي! هههه لاوالله ماحسيت بنفسي ولا ابي اطب المطبخ ولااشغل غساله ولااسوي شي والله ماقلت هالكلام الا علشآن مامي الله يصلحها فشلتني في كل مكان وزمان..هه والله مدري هي تقول فشلتيني وانآ اقول فشلتني
احم احم
بنآآآت والله مدري وش اسوي <<لحظه اشرب بيبسي
ايه اول شي خلني اقولكم عن الطبخ الي عقدني والله ان غيره يهون
بختصآر جاتني عقده من المطبخ بسبب الفرن..الفرن لاشفته جاتني حاله جنوون….يوه والله اني مستحيه اقولهآ
انآ اخاف منه..اصبرو ياويل الي تضحك ترآ عندي خيزرانه
بتقولون وش الي يخوف فيه ..طبعآ انآ اخاف اقرب منه لان في رآسي سي يقول انه بينفجر عليتس لاولعتي الغاز…طبعا بتقولون من وين جابت هالكلام هالدلخه..وطبعا هالكلام من7 سنين او اكثر يومني بزر في الابتدائي خلني اقولكم القصه بس
اكيد تعرفون طاش ماطاش صح؟<ياويلي يذكرني برمضان ❗
المهم من زوومان الف واربع ميه ومدري كم جات حلقه رقيه<<ياقدمتس بس..ههه ايه واظن قامت تولع الفرن وولع بوجها اذا تذكرون الحلقه وجابو وجها عقب مافكو العمليه مدري وش هي وطلع متشووه ويخووف عقبهآو انا غاسله يدي من الفرن
ايه تذكرون بعد برنامج سلامتك<<يووه ايآم القناه الاولى ولها لها ذكريات شييي..المهم جابو شي عن التوعيه مدري وش ولد صغير صحى يسخن له حليب وولع الغاز واهله نايمين ثم ولع بوجهه ومات اظن المهم عقب كل هذآ وانا خلااص ..تراني اتأثر بسرعه واسوي اضرآب هع هع.. تهئ والله كلامي صدق مااتسذب عليكم
الحين والله ماعرف اولع الفرن ..ولاادري وش لون واخاف منه
ولاعرف اطبخ رز ولاقهوه ولاشييييييييي
هيه انتو لاتحسبون انكم احسن مني ع الاقل اعرف اندومي وشآهي وبيض<<يامسكينه ارحمتس ..لالاعاد لاتسألون من الي يولع لتس الفرن والله ان تفطسون مانيب قآيله كفايه فضايح هع هع
المهم هذا الطبخ
اما الغسيل المواعين مآحبهآ تعورني يدي وتصير زي يدين الخدآمات..وغسيل الثياب مااحبه يقرفني أي والله اني انقرف لاشفت ملابس اهلي..يوه اكيد بتقولون وش ذآ الدلع بس وش اسوي ثآني شي الكوي والتمسيح والكنس توجع ظهري حتى الغسيل والله مافيني حيل ولاطاقه كلما اشتغلت تعبت بسرعه وترا مانيب سمينه فديتني ارشق وحده في البيت هووع بس اتعب مالشغل…على قوله امي ايه تتعبين لااشتغلتي والنت ماتتعبين وانتي تطقطقين عليه..
احنآ زي ماقلت لكم عندنا خدامه والبيت ماشاء الله كبير وقلت لامي وشو له جايبين خدامه مانيب خدامتن عندكم<<مسويه قويه وانا قايله هالكلمه
الا تعطيني امي صااارووخ…ليتني صورت شكل امي واهي معصبه المهم تقول والدتي:الا خدامه بكرآ بتخدمين في بيت رجلتس<زوجس..ايه هين جيبو هالزوج وانا اتعلم ههه<برا
ثم قالت بكرآ لارحتي بيت زوجس وماعرفتي تطبخين ان يقول الله يلعن امها ماعلمتها الطبخ ويرجعتس لنا<<وربي يابنات فمي انفتح كله من هالكلمه وانا ارد عليها بكل جرأه..ومن قال اني بتزوج هاه..لييييه انا اصلا بجيب معي شغاله في بيت زوجي 😆 <<والله اني اتحلم….وتعطيني امي صاروخ ثاني.:موب على كيفتس ياسلام قال شغاله قال<<هنا حسيتها تبي الفكه مني صدق ياخوفي انها تدور لي عريس من وراي وانا توني صغيره<<تراني للحين اقول لنفسي صغيره وهي تقول كبرتي عمرتس 16 سنه والي في عمرك معرسات.. و و…الخ<<تعبت اقول احكي ترآ
قلت لها:وانتي بعد يومتس تقولين لي ماتشتغلين ولاتتحركين وانتي بعد ترآتس ماتسوين شي كله على الشغاله
هنا امي ضربت الطاوله بيدها احسبها قاضي:D..الا تقول انا كبرت الحين انتي الدور عليتس انتي و و
بختصآر الي قبل امس توني مزاعلتها بوجهي قلت هين والله مااروح معتس العرس ورحت ارقد ويوم قمت تقول لي زعلك عند وجهك انآ عصبت زياده المهم يابنات امي ماشاء الله من النوع الي تحب تنصح والله ماخلت شي فيني الا طلعت فيه عله والحين مولعه في البيت وعلى اخوي وابوي تقول تعلم السواقه وهو عمره14 اصغر مني والحين بدا يتعلم خاف منها ههههه ومره هم بالسياره قاعد يسوق بهم امي تعطي محاظرات وراهم وتعطي صورايخ على اخوي وابوي جمبه يصيح على الاثنين بالاخير اخوي بغى يصدم بسببها هههه اشوا مانيب معهم..بس هي مررره عصبييييييييييييه 👿
المهم اقولها وش المطلوب<<مسويه فاهيه
تقول:نفسي تقومين يوم تسوين لنا الشآهي ولاالقهوه ولاتجيبين لنآ كيكه <انآ خبيره في الحلا والكيك ترا احم احم قولو ماشاء الله
قلت لها مانيب فآضيه وانا صدق والله مالي نفس ادخل المطبخ ولااسوي حلا بعدين افراد البيت موب واجد يعني البيت مايحتاج تنظيف مع انه كبير وهدوء
طيب انآ الحين مدري متى بتعلم خلاص السنه الجآيه ثنوي وانا مابغى ادخل المطبخ جاتني عقده ولالي نفس احس النت ماخذ وقتي كله يادوبك ارتب غرفتي واجلس عليه حتى برمضان والله انآ نايمه بالعسل ولااادري عن هوا دآري مااحس الا هم مصحيني يقولون اذن المغرب اروح افطر وانبسط يعني ماعمري دخلت المطبخ اساعدهم حتى لو كنت صآحيه لاني ماعرف اسوي شي والله ماعرف الف السمبوسه هع هع ترآني صآدقه ماعمري لفيتها ولااعرف الطريقه مره قلت يآحلا جربي وخليتس مره واثبتي قدرآتس<ابوها من قدرات بس……وامسك السمبوسه اقول وش لون تنلف ذي واحوس واحوس وبالاخير حطيتها مربعه هههه 😡 وجات امي تقول لو اني مانيب صآيمه كان لعنت شكلتس وطردتني 😆 🙂 ههههه والله اني جايبه لهم العله 😆 🙄 …….
ابوي يقول لامي طيب بنتك ماعمرنآ شفناها تكنس ولاتسوي شي الا امي ترقع تقول لاااا ماشاء الله عليها تعرف تطبخ وهي مسويتن القهوه حقت امس وتنصب عليه وهو يقول ماشاء الله والله بنتي الحبيبه وذآ…اشوآ اني مانيب عندهم لاني لو قلت ايه يايبه اشتغل قالت امي لا نصآبه <<عاد دورو وجهي وينه
خـلاص الحين انآ مدري وش اسوي عطوني نظام امشي عليه ولاشي ترا من اصحى وانا على النت مااتحرك الا وقت الصلاه..الفرن وش لون اشيل عقدتي منه اهئ ياناس والله فكره انه بيولع بوجهي مقلقتني احيانا اقول بجرب واولع اذا ماولع اطفيه وانحاش..ولاجيت اولعه اولع من بعيييد من الخوف ..اهم شي الطبخ ..الغسيل والكوي ماعلي منها تهون ..انآ والله انقهر اسمع البنات في الفصل يقولون سويت قهوه..سويت كذا برمضان…غسلت المواعين.كويت الملابس…صح اني افرح اقول يآحظي بس مااسوي شي من ذآ كله..بس برضو اتفشل لاني زلابه ماعرف شي….
بختصآر انآ ابغى بيوم افآجأ اهلي وامي بالذات الي فشلتني عند من هب ودب هههه
ابي ابدأ اتعلم وابي اساعدهم واطبخ شي بس ماعندي استعداد ولافي احديشجعني ومو فآضيه لشي<وش مشغلتس بس
هآآآآه انا حطيت مشكلتي بين يديكم لاني تعبت اسمع كلام امي تقول الي اصغر منك يعرفون وانتي لا وشوفي بنت عمك الي في الابتدائي تسوي الرز والغدا وانتي ولاتعرفين حتى تقطعين خياره ههه<حطمتني
هو صحيح ان الدلع اثر علي ووجود الخدامه وكذآ وانا ابي اخذ حريتي اقول لامي وش الفايده جايبه الخدامه تقول انا بأمكاني اسفرها واخليك مكانها …والله تشوفون حالتنآ اذآ سافرت الخدامه خصوصا وقت المدرسه طبعا محد بالبيت ابوي يشتغل وامي معلمه والله ترجع من البيت اشوفها تحط الملابس بالغساله وتكرف وعرقها يصب وانا اجي ارمي ملابسي وهي تقول يلا جهزي الصحون الكاسات للغدا وانا اقول يوووه وادخل وانا مرتفع ضغطي لاوالغدا من برا يعني والله حاله صح اشوفها تتعب بس انآ والله ماعندي استعداد اسال نفسي الى متى ووانا كذآ..ههه بنات انا من السنه الجايه ناويه اغير نفسي يعني اني ماشاء الله قدني مره بدخل الثنوي السنه للجايه وابي اتغير من ناحيه كل شي ونفسي اتغير من هالناحيه 😳
الي يعرفن يطبخن وماشاء الله يعلموني وش اسوي ابي نظام معين لالا صدق الدلع مأثر علي يلا مالقيت الا انتو المنقذ شجعوني على الاقل شيلو الخوف عني من الفرن<<انقلعي
ايييييييييه بس تعبت ..لحظه اولع المكيف حرر 😛 ….
خلاص رجعت يلا قريتو السالفه طلبتكم ردو لو بكلمه هههه تدرون اني حاطه ببالي بتعلم كل شي لاجيت ثالث ثنوي بس خايفه من امي
وش رايكم انتو احس اني تووني اهئئئئ 😎
يلآ انتظر ردكم انآ وتعليقكم على فشلي ههههههه
الله من السنع الزآيد ..كاني ذلحين بروح اشتغل اقولكم ماعندي استعداد كله علشان امي الي فشلتني كل يوم اتغافص معها علشان هالشي……..
قولوو آمين اني اطلع ذربه وسنعه وراعيه بيت وو<<برا
لآ عاد خلاص يلا ماعليكم من الاسلوب الفآشل.. بس حبيت افضفض وترا رمضان جااي وهذا اخر شي افكر اني اساعدهم فيه… حتى المطبخ ناقد علي هههه اقول احد مثلي ولابس انآ الزلابه<<ياكثر هرجتس بس:(
ويالله الحين خلوني اشوف تعليقاتكم 😆 🙂
بنتـظآركم..آسفه على الاطاله اختكم:حـلاوي 😆 idea: