أحس زوجي ما يحبني

أحس نفسي حزينه ومخنوقه حييييييييييييل .. زوجي يعاملني بأسلوب مو حلو ما أقصد إنه يغلط علي أو يضربني لا بالعكس عمره ما مد يده علي وأحنا مو متزوجين عن حب لا كان زواج تقليدي .. أي شي فالبيت غلط يصير لازم أنا أكون السبب في نظره يعني مثلا أمس دخل الحمام تكرمون وطلع ألا والسيفون مكسور وقال لي انتي خربتيه .. أقوم من الفجر وأجهز الفطور كل يوم وأقومه ويفطر بعدها يجلس يشوف التلفزيون وفت طويييل وبعدين يقوم يجهز للدوام بس طبعا يكون متأخر بسبب جلسته قدام التلفزيون يقول انتي السبب إني تأخرت عن الدوام طيب أنا شو ذنبي واجبي إني أقومك بكير .. أشياء كثيره لو خبرتكم ..وهذا غير أنه حتى كلمه حلوه ما يسمعني أبدا لا حياتي ولا عمري ولا غيره تصدقون لما قلت له ليش ما تقول لي هالكلام قال لي انتي رومانسيه زياده وأنا ما فاضي لها الكلام الفاضي وربي كتمتها بقلبي وصابره من منا ما تحب تسمع من زوجها هالكلام والله العظيم حتى بوسه ما يبوسني الا فعلاقتنا الخاصه وأعذروني عالصراحه بس من الهم اللي ف قلبي .. أي مناسبه خاصه مثل عيد زواجنا عيد ميلادي أجهز له مفاجأة وهديه يقول لي انتي فاضيه 😆 🙂 بس يبيني أطبخ وانظف البيت وكذا يعني حتى ايدي صارت متقشره من شغل البيت لما قلت له قال عادي الحرمه هذا شغلها البيت وبس.. مع العلم انا ساكنه بروحي وعندي ولد.. تصدقون مره طلعت مع اختي وشفتها تشتري قمصان نوم عجبتني جايه ع شكل بنطلون قصير وقميص كت وشريت مثلها عاد لبست واحد أول ما شافني انفجر ضحك كتمتها ف قلبي قلت يمكن شي ثاني مضحكه بس ثاني وثالث يوم نفس الحركه عاد شلتهم ورميتهم بالزباله .. أنا مو عجوز عشان اصبر عكذا أنا عمري 25 سنه احب الرومانسيه ما تمنيت أحصل كذا من زوجي مع العلم البارحه سألته انت تحبني والا تكرهني؟شكلي كسرت خاطره قال لي أنا أحبك يا عمري بس مو فاضي لرومانسياتك 😆 hy: طيب أنا اذا مو زوجي بيدلعني وبيدللني من اللي راح يدلعني ..