أحس آنو أبوي مآيحب آمي

آلسلام عليكم ورحمة آلله وبركآته

خواتي هذا رابط مشكله كتبتها هنآ من زمآآآآآآآآآن

http://satfrequencies.com/girls/alfrasha28/thread1144089/

والى الحين معاناتي مع امي وابوي وربي ياناس اني ابكي دم على حالهم
صار لهم والله مدري كم

بس فووق السنه متزاعلين وكل واحد بجهه سويت كل ششششي عشآن نصلح بينهم

كلمنآ امي كلمنآ ابوي ومدري وش اللي مانعهم من انهم يرجعو لبعض

دعيــــــــــــــــــــــــــــت ربي وعارفه وواثقه في ربي انها بتفررج اللهم امين

بس والله ياخواتي حال امي مايسر لاعدو ولاصديق كيف انا يابنتها

بقولكم بصراحه انا لو تعبت امي تسهر علي لو جعت امي تسوي اي ششي عشان اكل لو هي تعبانه

تواسيني اذا زعلت وتضحك معي اذا فرحت

بس هـــــــــــــــــي

امي مسكينه من يمسح دموعهآآ من يضمهآ من يواسيها اذا زعلت من يضحك معها اذا فرحت

والله احسسس ابوي نذل هو متزوج زوجه ثانيه ومرتاح

بس امي والله احححس اخر مره قرب منها قبل ثلاث سنييين

امي مو كبيره 38سنه يعني محتاجه انو ابوي يهتم فيها ويراعي شعورها حالها حال الحريم

لكن ابوي الله يسامحه معطيها ركبــه

مع ان امي والله ماعمرها جابت سيرته بالعاطل حتى وهو غلطان عليها تدور له اعذار

ودائم تذكر الاشياء الزينه اللي كانت بينهم بس ابوي تغيييييير

اليوم اسالها ليه ماتسوين لبوي حقوقه عليك كزوجه تهتمين فيه وتدارينه وتشوفين غداه

بس امي تقل اخاف هو مايبي ياحياتي عليك يايمه خايفه من ردت فعله

تخيلو من زمآن لما تجيب امي القهوه تقهويه يقولها حطيها واطلعي

مايبيلها تطبخ لها يشوف طبخ الشغاله احسن من طبخ امي مع انو والله امي

لما تطبخ نمسح الصحون

امي والله ماقصرت معه كانت تكششخ له وتتزين وكل

ماقال ششي قالت ابشششر صح تعاند احيانا

بس والله طلباته اوامر عندها

وابوي حججججججر جاف بخيل في عواطفه

مو جالس يحس

امي حرمه وانتو ياحريم عارفين لو زوجك مايقربك شهر وش بتسون والله ادري الكلام اكبر مني

بس تعبت والله تعبت

تخيلو امي اليوم قطعت قلبي قالت ياليته يقولي حبيبتي وقلبي

واحس في امي غصه مشتاقه له ماهانت عليها عشرته

وهو يحسبها ابجوره عنده مايفكر انو لها احساس ومشاعر وتحس

ابوي والله طيب ويجيب اللي نبيه ومومقصر بششي بس مدري ليه مع امي بالذات

آحيآنآ احس انه مايحبها

والله امي مسكينه صبرت عليه كذا جازاها جاب عليها جاره وسحب عليها

لو حرمه ثانيه كان ياطلبت الطلاق وتزوجت غيره ولا سوت فيه العجايب

حتي ابوي بنففسه يقولي امك صابره علي 25 سنه!
تعبت ياجماعه وش اسوي ابي احس انو امي وابوي متزوجين حالهم حال النااس يتعشوا برا مع بعض

يمزحون مع بعض ينكتون يغيضوا بعض ياخذها يسفرها يونسها تدرون ماعمرنا طلعنا من حدود المملكه

وزوجة ابوي الثانيه حسبي الله ونعم الوكيل كل صيف مصيفه ببلد وابوي بصراحه احسه دجاجه قدامها

مع العلم انو ابوي انسان معروف والكل يعمل له هيبه حتى حنا بالبيت بس عند حرمته الثانيه

ينقلب حاله

ااااااااااااااااااااه بس مدري وش اقول والله امي اليوم قطعت قلبي احسها كاتمه بقلبها كثثير

وش اسوي اقولها تطلب الطلاق!!!بنتشتت وبنضيع وامي مالها احد وين تروح

ابوي باع عشرة امي بتراب

وبشر الصابرين الله يبشرك يايمه بجنات عرضها السموات والارض