عالم البنات النسائي كل ما يخص المرأة العربية من ازياء وجمال والحياة الزوجية والمطبخ
تستاهلون يا أهل جدة
كله بسبب الذنوب
وإحنا أنقياء ما علينا أي ذنب
وأي شيء يصير لنا هو إبتلاء من الله لأن الله إذا أحب عبد إبتلاه
هذا الحاصل أليس كذلك ؟
لما تجي المصيبة علينا إحنا نقول إبنلاء و نردد
(لنبلونكم بشي من الخوف والجوع ونقص من الأموال والأنفس والثمرات وبشر الصابرين)
لكن
لما تجي المصيبة على غيرنا نقول {وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُواْ فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيراً }
ليش كذا نعيش بازدواجية ؟
إذا أنت مقتنعه أن أي كارثة تصير هي عقاب فلازم تقتنعي بهذا حتى لو كانت المصيبة عليك ومات من تحبين
لكن إذا مقتنعة بأن المصايب اللي تصير لك هي ابتلاء فلازم تقتنعين إن حتى اللي يصيب غيرك إبتلاء
مو على كيفك تقسمين قدر الله على كيفك
ناس نستاهل الإبتلاء وناس تستحق العقاب !
لما اليهود انخفست فيهم قاعة العرس قلتو عقاب
ولما الخيمة الكويتية احترقت ومات أكثر من 40 قلتوا ابتلاء
ليش ما قلتوا يمكن متعرين ومشغلين أغاني عشان كذا عاقبهم الله ؟
طبعا لأن كثير من الحاظرين للعرس سعوديات وحتى الكويتيات ينتسبون للقبايل السعودية وبينهم نسب
لما انتشرت حمى الوادي المتصدع بالجنوب قلتوا بسبب كثرة السحر
ولما جاء فيضان بعمان وكانت الشرقية مهددة قلتوا بسبب الشيعة
ولما جاء فيضان بمكة انقسمتوا اللي لها أقارب حاجين قالت ابتلاء
واللي ما تعرف أحد قالت بسبب الدشوش بالفنادق حول الحرم
ولما جت عاصفة الغبار بالرياض قلتوا ابتلاء
لأن أكثر أهل الرياض فيهم ربو والله بيختبر صبرهم
وهذا بحكم إن أكثر الأعضاء من الرياض
ولما جاء الزلزال بالمدينة فهو لكثرة الدشوش وكثرة المعاصي
ولما جا الفيضان بجدة قلتوا بسبب المجاهرة بالمعصية وتبرج البنات
الصراحة أتعجب وأنا أقرا الردود والمواضيع
مع إن الفيضان أصاب جنوب جدة يعني ماتوا الملتزمين والفقراء والأطفال وفيه داعيات ماتوا
وتقولون ها تخويف ونذير من الله !!!
لاحول ولا قوة إلا بالله هل الله ظالم ؟؟؟؟؟؟؟؟؟؟؟؟؟
يدمر الجنوب عشان يخافون أهل الشمال اللي تنتشر عندهم الكبائن والفساد الحقيقي
انتبهو لكلامكم هل الله يعجز عن تدمير الشمال ؟
اقري الآية زين : {وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُواْ فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيراً }
تدميييييييير
هل اللي حاصل حولنا تدمير !
حتى لو مات البعض وتهدمت بعض البيوت هل انمسحت جدة ؟
راجعي التاريخ
أصحاب السبت الله مسخهم قردة وخنازير هل بقى أحد من الظالمين ؟
هل مسخ البعض عشان يخاف الباقين ؟
كلهم انمسخوا
وكذلك الأقوام عاد وثمود و و و
تمسح المدن تماما ولا يبقى سوى قصصهم للعبرة
ما يبقى أحد
طيب اقري هذي الآية
(لنبلونكم بشي من الخوف والجوع ونقص من الأموال والأنفس والثمرات وبشر الصابرين)
لاحظي قال بشيء يعني البعض وليس الكل
وقد يكون هذا هو الحاصل لأن اللي ماتوا أطفالهم و نساء وأكثرهم من الفقراء والصالحين
أقول قد لكن لو تأملنا الآيتين عرفنا الفرق بين العقاب والابتلاء
مو على كيفكم تقررون
لو كان عقاب فهل ماتوا المجاهرين ؟
هل ماتوا الفنانين والفاسدين ؟
كل اللي وصلتنا أخبارهم ناس عاديين
قد تكون عندهم ذنوب لكن زي ذنوبنا مافيه أي فرق
فليش الله عاقبهم ولا عاقبنا !
التبرج بجدة وموجود بالرياض وخاصة بالمملكة والفيصليه
الدشوش بجدة وموجودة عندنا بأكثر البيوت
الفساد بجدة وكذلك بالرياض مليااااان استراحات وكثير يقبضون على بنات وشباب فيها
جدة فيها شيشة
وكذلك الرياض مليان مقاهي ومحلات شيشة
إيش اللي موجود بجدة و مو موجود عندنا بالرياض ؟؟؟؟؟
إيش المعصية اللي ارتكبها اللي ماتوا وماهي موجودة عندنا ؟؟؟؟؟
اللي ماااااااااااااتووووو وليس المطربين والفنانين والمجاهرين
تذكرو
” لا تزر وازرة وزر أخرى “
معقولة يكون عقاب وإحنا ما سمعنا عن أي واحد شديد الفساد مات ؟؟؟؟؟؟
هل العقاب على الضعاف فقط؟؟؟؟
بتقولون جدة فيها المجاهر بالمعصية
بقول وأنت يا نقية وش دراك عنه إلا إذا كان عندك دش فااااااسد وقاعدة تشوفين البرناااامج الفاسد
وإلا تحوسين باليوتيوب وتبحثين عن مقاطع الفساااااااد
وش أسمي هذا ؟؟؟ صلاح وطهر ونقاااااء
لو كنتي نقية وملتزمة ماكان شاهدتي هذي المقاطع ولا فكمرتي تبحثين عنها
كان غضيتي بصرك
الرسول صلى الله عليه وسلم قال ” لعن الله الناظر والمنظور”
يعني لما تتابعين الفساد فأنت مشتركة بالإثم
لا تحسبين هم يدخلون النار وأنت الجنة
وإذا تنصحين أهل جدة بالاستغفار فابدي بنفسك
وطلعي الدش من بيتك وتكذبين مليون مرة لو قلتي ما أقدر
والبسي عباية راس وارمي عباية الكتف
وبطلي غيبة ونميمة لأن الرسول صلى الله عليه وسلم قال:
” هل يكب الناس في النار على وجوههم إلا حصائد ألسنتهم”
“إن الرجل ليتكلم بالكلمة لا يرى بها بأساً يهوي بها سبعين خريفاً في النار”
يعني تخيلي كلمة تهمة وإلا غيبة وإلا نميمة
تطيحك بالنار
مو بس المطربين اللي يدخلون النار مو بس المجاهرين
مو بس الزانين
كلمة منك توديك بأسفل النار
والفاسدين ما شجعهم إلا أنت إيه أنت
بمتابعتك لبرامجهم وأغنياتهم ومقاطعهم
بوضعك صورهم بتوقيعك بحجة إن ودك تصيرين بنحفهم
كيف تكون قدوتك ديانا وإلا الجسمي وأنت تعرفين إن الرسول صلى الله عليه وسلم قال:
” يحشر المرء مع من أحب”
كلمة أخيرة :
أنتم إلى الآن تدعون لفلسطين وأفغانستان والعراق و و ووتقولون إخواننا
ما قلتوا إن الحرب اللي عندهم عقاب على كثر القتلى وعلى كثر النساء اللي تم الزنا بهم و و و
وإذا صار شيء عند الأقرب مثل جدة أو الجنوب على طول قلتوا عقاب !
من جد تناقض
