عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم حبايبي؟؟
انا بقولكم على قصتي مع انسانه احبها كثيييير والله اعتبرها مثل امي هذي ام زوجي(حماتي)
حقولكم الموضوع وانتو قولولي الحل الله يجزاكم الجنة….
انا اول ماتزوجت سكنت معاها في نفس البيت وكانت معايا عسلللللل وطيبة بمعنى الكلمة وكنا جدا متفاهمين… المهم نقلنا من البيت صرت انا ساكنة بملحق فوق وهي تحتي اوكي بس والله العظيم اني عمري ماقصرت معاها في شئ لما يكون عندها ضيوف اول وحده انزل واخر وحده اطلع وبنتها ومرت ولدها الكبير يجو ضيوف ويخرجو ضيوف بحكم انهم تعودو اني معاها اساعدها من كنا ساكنين مع بعض….
المهم في يوم من الأيام كان عندها ضيوف واحنا جالسين ع السفرة قالتلها الضيفة اشبك ياام….؟.. مرة كده نحفانة وكإنك صرتي عجوزة وانتي لس صغيره؟؟؟ هنا كانت الصاعقه بالنسبة ليا تدرون ليش؟؟
حماتي ردت عليها قالتلها تدري تعبانة ماعندي شغالة(هي حظها مع الشغالات مرره مو حلو) والرد التاني اللي صدمني انها قالت الوحدة تزوج عيالها عشان يخدموها انا العكس زوجتهم عشان اخدمهم!!!! تخيلو؟:042: حتى الضيفة سكتت مانطقت كلمة يعني بالله ايش حتقول عني الضيفه ده صح؟؟؟
وربي انا من سمعت ده الكلام والله اللقمة ماقدرت ابلعها تماسكت وكملت عادي وساعدت حماتي وخلصت طلعت بيتي بصراحه ماقدرت اول ماطلعت انفجرت بكا وسألني زوجي اشبك حكيته قلي بكل بساطه معليش اتحملي:042:
طب ليش كده هي تقول؟؟ طب انا ايش ذنبي اذا كانت مرت ولدها الكبير ماتساعدها؟؟؟ والله من داك اليوم وانا ماصرت اتحمل شئ بس وربي قايمة بواجباتي معاها عشان الله ثم عشان زوجي بس
وكمان بقلكم ع مواقف تانية تصير… تخيلو احيانا اكون نايمة اوكي وهي تبغا شئ مني انا طبعي لا نمت احط جوالي صامت والتلفون ارخي صوته لأن صحباتي ماشاءالله ع اتصال معاي علطول المهم تجي تدق الباب اذا ماسمعته تدق بقوه وربي اقوم مفجوعه من النوم وفي الأخر يطلع الشئ اللي تباه مو مره مهم تخيلو مره كنا نايمين انا وزوجي جت دقت دقتها المعتاده لأن كان عندها ضيوف رجال وتبا زوجي انا قمت مفجوعه وربي بالقوة قدرت اوصل للباب من كتر ماترجف رجولي فتحت سألتني عن زوجي قلتلها نايم قالت انا بصحيه الا والاقيها داخله لغرفتي وفتحت الباب وولعت النور وصحته بقوة ونزلت وربي انصدمنا انا انفجرت قلت لزوجي بالله عاجبك اللي سوته امك؟؟؟ مانطق ولا كلمة انا والله كرهت حياتي زمان كنت كل ماأفضى انزل عندها اجلس معاها بحكم انه ماعندها غير بنت وحده ومتزوجه والباقي اولاد اغلب الوقت برا ووالله انه مرت ولدها الكبير تجي تشيلها شيل وانا عادي ماتفرق معاها يمكن لأنها ساكنة بعيد وانا في نفس العمارة؟؟؟ طب ليش مع اني والله احبها وخايفة المحبة ده تتحول لـ…… ما ابغا الأمور توصل لكده انا اختي قالتلي خلي الأمور رسميه مره بينكم انتي وحماتك ولا تنزلي كتير عندها يمكن تتصلح الأمور انا ما ادري عن جد احترت ياريت تنصحوني ايش اسوي معاها بدون ما اجرحها؟
الله يجزاكم الجنة يارب
للعلم انا ليا سنتين من تزوجت ومرت ولدها الكبير تقريبا 7 سنوات
عن Mohamed1911
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …