أجمل ما قرأت من الاشعار… اتمنى مشاركتكم

أنا أعشق الشعر .. واحب أقرأه وأجمعه من منتديات وجرايد ومجلات ..

وعندي مجموعة من الاشعار اللي عجبتني .. وحبيت تشاركوني فيها..

ما رح اطول عليكم … اتفضلوا:

عنوانها: صعبة أعيش أيام عمري بلياك

صعبة أعيش ايام عمري بلياك..

وانت الحياة بدون شوفك كآبه..

تعال خذني لأخر حدود دنياك..

مليت أقاسي من زماني عذابه..

حاولت لكن ما تحملت فرقاك..

بعدك عذاب وفي حضورك مهابه..

🙁 ➡ 💡

عنوانها : استحلت غربتي وسكنت كل الدروب

جت على عزف الغلا والشوق تتمايل طروب..

جت مع النسمة تبسم قلت يا احلى مسا..

كنها يومن تجلت شمس كاسيها الغروب..

احتضنها الشوف لهفة والحلا فيها اكتسا..

آه ياريحة جسدها كل ما هب الهبوب..

ما تقول الا جسدها من غلى الطيب احتسا..

في خطاويها تثنى فتنة الظبي اللعوب..

ياترانيم النعومة ذوق يا احلى النسا..

الحكي لا جت تكلم من شفاياها يذوب ..

ينسكب ما بين حرف العين واللا حرف سا..

احتوت معنى الانوثة كل ما فيها عذوب..

درة الله كساها من نعيمه ما كسا..

حيرت باقي وصوفي واستحت منها العيوب ..

ضيعتني بين مبسمها وطرف ناعسا..

استحلت غربتي وسكنت كل الدروب..

اشهد ان مركب هواها في بحر حبي رسا..

دامها سكة غرامي عن سفرها ما اتوب..

ياعساني ادخله عالم فضاها ياعسى..

بهتك استار الجفى والبسه للوصل ثوب..

لا ضوى بالليل شمعة ينطفي ليل الاسى..

➡ 😛 😆

ان شاء تكون نالت من اعجابكم ..

منتظرة احلى الردود منكم ..

وفي جعبتنا المزيد باذن الله..