عالم البنات النسائي كل ما يخص المرأة العربية من ازياء وجمال والحياة الزوجية والمطبخ
زي ما تفقنا حنحاول نقدم خروجات و فسح حلوة … عشان الكل يستمتع و يعرف يخرج في أجازة نصف العام و أجازة الصيف كمان ….
و بحضر في موضوع عن أجازات اليوم الواحد زي العين السخنة و فايد و راس سدر بإذن الله يساعدنا كتير ….
و حبيت ابتدي بنفسي و بما اني مش في مصر حاليا و التاجر لما يفلس يدور في دفاتره القديمة زي ما بيقولوا .. حنزل صور و تفاصيل من آخر فسحة لينا في مصر في الأجازة اللي فاتت ..
طبعا ملحقناش نروح أي حته لظروف مرض أبني ربنا يتم شفاه و يشفي أولاد المسلمين كلهم يا رب العالمين …أنما برضو خرجنا خروجتين مش بطالين الحمد لله ..
الفسحة الأولانية : رحنا حديقة الحيوان في الجيزة
الأطفال الصغيرين فعلا بينبهروا بالحيوانات جدا جدا ما شاء الله ..;)
طبعا من ناحية الصور في موضوع هنا ما شاء الله مغطيهم بالتفصيل و جايب صور لحيوانات كتير في الحديقة …
و لينك الموضوع أهو للعسولة زهرة أو ليتل برنسيس …
http://satfrequencies.com/girls/alfrasha128/thread1084641/
فعشان كده حبيت اشاركم بتفاصيل أكتر …كأننا رايحين الرحلة مع بعض … 😡
يعني الأسعار و المستوى العام و كام صورة و فيديو مش بطالين …
نبدأ التفاصيل …
االأسعار: لتذكرة ب 2 جنية … و بيت الزواحف ليه تذكرة خاصة ب 2 جنية كمان …
مميزاتها :: الجنينة واسعة بشكل غير معقول …مهما اتمشيتي فيها متقدريش تغطيها كلها ما شاء الله ..
في طبعا كافيهات و شاي و تلوين وجوه اطفال و مرحة نوعا ما …
يعني الاولاد ( و الكبار كمان حيستمتعوا فيها جدا )
و دخلنا ما شاء الله بشنطة سندوتشات كبيراا محدش بيعترض على حاجة …
العيوب : بعض الإهمال اللي خلا بعض الحيوانات تقل أو متكونشي موجوده زي الزرافة مثلا مفيش زرافة و هو حمار وحشي يتيم و جملين بس ..و بعض الحيوانات الاخرى محتاجة برضو اهتمام اكتر …
يالا تعالوا اكلمكم على الصور اللي مصورينها بنفسنا 😆 حصرياااااااا للفراشة و بسسس..
أولا الفيلة … و هي فيلة و احدة بس.. الحارس علمها تحيي الضيوف و كام حركة كدة بيحبها الاولاد 
و بعدين الطاووس ( و اللي الوانه رائعة ده هو الذكر بينما الانثى أقل منه جمالا بكتييير
و الدب طبعا >>>
و مش فاكرة ده كبش و لا ظبي و لا اية 
و معلشي مصورناش كتير عشان الشنط إنما في فيديو حلو أوي للإسد و البط عجبوا ابني خالص و يا رب يعجب ولادكم و يعجبكم يا رب ….
رفعتوهولكم مخصوص أهو ….
و صورتين للإسد و النمر ….
طبعا محطوطين في بيت لوحدهم و صوتهم فعلا مرعب …
و الفيديو التاني خطيير و احنا بنأكل البط ( البط هناك ما شاء الله بياكل أي حاجة حتى سندوتشات الجبنة ➡ )
و صورة تانية للبط و الوز أهو … شكلة بجد حلو اوي
طبعا في شوية صور كمان من حديقة الازهر … حقدمهالكو كمان شوية و أبأه أظبط الموضوع لحسن معاد العشا بأه …
يتبع …
