عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحباااا خواااتي الفراشـــــــــــات
أسعد الله صباحكم ومساكم بكـــل خيـــــــر
أتمنى الكل يكون بخيــــــــر وعاااافيــــــــــــــه،،،
بدوووون أي مقدماااات…..
هذي مجموعة من القصائد بين يديني يالله حصلتها بإقناع للشاعرة (شعـــلانية)..
لعرضها في المنتدى…
بصرآحة طلعت روحي وأنا أحاول فيها وهي رافضه تقول: أحاسيسي لي..
على بالها مسوية (حامده زيد أو سعده علوش) 🙂
ورجـــــــــــاء منكم لا أمراً.. تكفون:
1. قولوا شنو رايكم بالقصائد بأمانة؟
2. تستاهل تنشر بمجلة؟! وأي مجلة ترشحون؟
3. شنو تقييمكو للقصائد من 100؟
علماً بأن آرائكم سوف تقرأها نصاً..
يمكن تكون ويانا بالمنتدى وأنتم مو دارين..!!
**************
القصيدة الأولـــــــى.. (ضغطة زر)
أخيراً انتصر قلبي بجيوش غزت عقلـــــي** يومً زلزل أعماقي ورتب فكري المحتــــاس.!
مفلح أنت يا منهو خذا بعضي على كلـــي** وضيعني في دنيا الحلم وردد كلمتـــــه لابـــاس
هذاك أول بعد دنيا أدور لي على من لـــي** يرجح كفة إحساسي وينهي من زماني اليـــاس
بضغطة زر من يدي وقولة علَــي وعلَــي** ألاقي في الاسامي من يكون الصاحب الجـلاس
على نفسي جنت نفسي وطعناتي غدت غلي** قهر والله يتحطم عريش كنت اظنه ســــاس
قبل بوقت كنت أضحك وأترحم لكل اللــي** يغرق في بحور العشق يموت بشوف كل الناس
وهزواتي ما أمدن تبارن شنهو أصعب لــي** أهي طعنات أو سيف بحده تأقف الانفـــــاس
جزاني ربي بمجرم على دمي ترى يحـــلي..!** ابن الذيب بداها وجرعني بنفس الكـــــآس
بعثرني ولملمني وشتتني وغدى ظــــــــلي** عقلي صابته لوثة وهذيــاني على القرطــاس
تحمد ربي ياقاري من قصيدي تبي تسلـي** فراغ عايشه راحة كثير أجناس ويا أجنـــــاس
تتمسخر وتتهزأ وودك انك تخلــــــــــي..** جميع الخلق يقرون ويتهجون ها لإحســــــاس
عسى المنان مايجزاك بعقوبة مثل خلــي** بحرب ينسبي عقلك وناقوس يدق أجــــــــراس
رجيت القادر الغافر يدمح في الخطا زلي!** على نفسي جنت نفسي وهدمت بزر كل الساس..
**********
القصيدة الثانيـــــــة.. (قفر و جداب)
الخبر من غيبة اعيونك ضباب ** والرياض استبشرت من طلتك
يالله ياقلبي ترى طال الغياب! ** العقل ماعاد يقوى غيبتــــــــك!!
الشواطئ لفها موج عباب.. ** ترتجيها رمال ضمت خطوتـــــك
آخر الجره على ذاك التراب! ** هيجتها دموع راحت تتبعـــــــك
من مشيتي وأنا عايش في اكتئاب ** الذهان انتابني من عملـتك
انفصام ..واعتلال..وارتياب ** بل جنون مطبقٍ من.. كلمـــــــتك
قولتك انت متوجه للسراب ** لا المزن يمك ولا النهر تحتـــــــك
صلطت يمي عواصيف الهبــاب! ** تلذغ بوجهٍكسير..يطلبــــــــك
حاسبيني بعدلٍ وليني في الحســـاب ** الغلا ما أظنه يعزز شروتك
جنبي التطفيف وعن زور المــــرآب ** حيث انه من بيهني عزتك!
قالها ربي في احكم كتـــــــاب ** وهذي أنتي تتطففين بنكرتـــــــــك
تنكرين اني حبيبك والمصــــــاب ** ماني من ربعك ولا اقصى هلـك
مالي لا شور ولا رآي يجــــــاب! ** لو بيدي ما أفارق بسمــــــــتك
ويل حالي خنجر بصدري وحراب ** حينما اتذكرك واصلاً ما اجهلك
التفاصيل وملامح ماتعاب ** بسكرة عيونك ومقدم غرتــــــــــــك!!
قبلها صوت يولع مايهاب ** أشهد انه راح وتملك وامتـــــــــــــلك
مابقى عندي سوى قفر وجداب! ** وآخر اشيائك هدية خصلتـــــك
خصلةً تحوي ظلام واحتجاب ** في دجى ليل تحضن وجنتــــــــــك
من لها شرقيةً صارت خرآب ** من تركتيها واصرت تسكنــــــــك
من لها وانتي نفسها والشراب ** الهوا والمآي وينه بذمتــــــــــــك
من لنا من بعد ماضاع الصواب ** والخطا احتل بمكاني منزلـــــك!
شابت افكاري وودعت الشباب ** والصبا والطيش وأيام معــــك؟!
ليه تمنيني وتحكي للصحاب! ** مستحيل احب غيره لو “هلــك”
ماهلكتي بس اهلكتي خباب ** يتمنى الموده ونفسه يقتلــــــــــك
ماتخيل انك لغيري..تجاب ** ملبسك ابيض وزوجك ينتـــــــــــــك
كنها الزفة في سمعي غراب ** ينعق بصوته ياكد “نيتــــــــــــك”
ناويه ذبحي في آخر مآب ** تكفنيني من بياضه ملبســــــــــــــك
ياعشيقي كانه القبر الثواب ** ومقصدك من جفوتك هي سلوتـك
ابشري بمنهو تكفنه الثياب ** من يدينه دام هذي طلبتـــــــــــــك
مقدم بانخاك وبيدَي الرقاب ** اعتقيها روح ملت قسوتـــــــــــك
بس اشرقي لأجل ينزاح الضباب ** عن خبرنا وشرقية هلـــــــك..********
((فراشاتي..أنا متأكدة لما تقرون هالقصيدة بتقولون مستحيل كاتبتها شاعره..!!
والأكيد انه شاعر..
أقولكم ياحبايبي القصيدة مو مهم يصرح كاتبها بنفسه بالعكس لما يخفي شخصيته تظهر
قدرته على تقمص الأدوار..))
وتقول (شعلانية) وربي أنا من كتبها ..وأنتم شنـــو راااايكـــــــم؟!!
*********
القصيدة الثالثــــــــــة.. ( ســـلام يا أمي )
سلام يا امي عد ماتلهج شفاتي.. ** وأكثر من اللي يجهلونه وبدا لك!!
ودعوات ربي قد سجداتي فصلاتي ** تطغي على اللي من فؤاده رجالك
ياعلك بجنه..ونور..وفلاتـــــي ** وياعل ما أرجيه يصبح….منــــــــالك
يمه برحيلك اسكتتني عبراتي! ** وش حيلتي والموت حق ..وسعى لك
ياليتني قبلك كتب لي..مماتــــــــي ** ما أعيشها دنياً بدونك مهـــــــالك
وش حيلتي وانتي ضيـآي وبهاتــــــي ** ياليتها عمياً عيوني فدالـــــك
يمه لحياتك بقبل بموت ذاتـــــي ** تروح روحي بس يبقى خيـــــــــالك
عيشي سنيني واطمري لي رفاتي ** انهي وجودي واقبليني حــــــلالك
عيشي سنيني لاجل خاطر خواتـــي ** لمي شتاتً ابتدى من رحـــــالك
يمه لجل شيبة ابوي وغلاتــي ** حنينه من رحلتي يهذي بفعــــــالك!!
يذكرك ويزيده حديث الشماتي!! ** كسرة عيونه تشتكي لك عيـــــالك
سبحه وهدت من جميع الجهاتي ** سبحه وهدت من قطعتي وصــالك
وش خانته بيت خلا من مبآتي ** وش خانته في ًخلا من ظـــــــــلالك
يمه ياشمس الدار يمه..نجــــــــــاتي ** ليه انكسفتي تو كنا قبـــــالك
يمه غديتي وأنا خمس سنواتي ** واليوم شوفيني أطاول جبــــــــالك
أتقن مزايا وين عنها سواتي..!! ** ولا جمالك آه ..ما أبعد جمـــــالك
انتِ بكفه ضد ألف وميآتـــــــــي..** ؟ ؟ ؟ ؟ ؟ ؟ ؟******
(( شعلانيـــة.. من غلا أمي مستحيل أحصره وأجمعه في قصيدة..
هذا طرف من أحاسيسي لأمي،،عجزت اني أوصل لآخرها..
تفضلت انها تكون قصيــــدة لم ولن تكتمل..!! ))
*****
(( وســــلامتكــــــــــــم ))
الله الله ابي التفاعل مع القصايد..ومثل ماطلبت منكم في البداية..ابي ردوووود
