عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الاسلام بس في بريدة 😥
تستحق القراءه
أبو سليمان و أبو راشد قاعدين يطالعون الأخبار في بلدتهم بريدة في القصيم.
أبو راشد: وش قاعد تفكر بـوه يا بو سليمان ؟
أبو سليمان : أفكر بهالدين العظيم اللي انتشر من أقصى الأرض اللى أقصاها 😈 ناظر هالمسلمين الصينيين.
– و الله أنك صادز يا أبو سليمان
– بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدز هم العرب اللي يفهمون القران و الأحاديث
– و الله أنك صادز يا أبو سليمان
– و بعد ترى موب كل العرب مسلمين صحيحين. عندك هالشوام و المصاروه و المغاربه و الله حتى ما يصلون صلاة ربي. ان بغيت المسلمين الصدز تراهم أهل الجزيرة و الخليج
– و الله أنك صادز يا أبو سليمان 1
– و موب بعد كل الخليج. ترى كل هالدول تسمح بالخمر و بالكنايس، الدين الصدز هو ديننا حنا يا أهل السعودية
– و الله أنك صادز يا أبو سليمان
— بس عندك بعد أهل الشرقية فيهم شيعة و حريمهم ما يغطون ووجيهم، و أهل الغربية حريمهم بعد ما يتغطون و يشيشون، و أهل الشمال حريمهم ما يتغطون عن رجالهم و يجلسون معهم و يضيفوهم. و أهل الجنوب مثلك خابر عندهم بدع واجد. الدين الصدز موجود بس بنجد 😉
– و الله أنك صادز يا أبو سليمان
– بس ترى عندك هنا في نجد الناس يتتنون (يدخنون) و يسمعون موسيقى و العياذ بالله. الدين الصدز بس بريدة 💡
– و الله أنك صادز يا أبو سليمان
– بس بعد بريدة موب كل حارة زي الثانية، ترى أكثر أهل بريدة مركبين دشوش و يشوفون القنوات الماجنة. ما فيه مثل حارتنا ولا دش واحد:>
– و الله أنك صادز يا أبو سليمان
– بس الله يهديهم الجيران موب دايم تشوف عيالهم في المسجد، و لا تشوفهم دايم في صلاة الفجر. الصراحة يا بو راشد ما فيه في الحارة يصلون الفجر دايم في المسجد الا أنا و ﺈﻧ͠ٺ
– و الله أنك صادز يا أبو سليمان
– بس أشوفك يا بو راشد هالأيام ما تخشع زين في صلاة الفجر 😆 🙂
ويبقى أبو سليمان المسلم الوحيد في الدنيا
