أبشركــــــــــــم ولــــدت!!!!

أبشركم اني ولدت يوم 3-11-2009 😎
طبعا انا خلصت 40 اسبوع و كنت كل يوم ربوع و احد اروح اسوي تخطيط و لما اروح و في طلق يكون ماعندي الم يقولولي فس طلق بس متوسط و لما اروح عندي الم يقولولي مافي طلق و الى يومكم نفسي اعرف ايش كان الألم لو ماكان طلق 😆 🙂

المهم رحت الأحد قاللي الدكتور تعالي بكرة اللي هو الإثنين اشوف لو اعطيكي طلق صناعي ولو مانفع اولدك قيصري اعطيكي موعد..
رحت يوم الاثنين زي البطله و دخلت عند الدكتور و كشف علي من تحت قاللي لاااااا ماينفع طلق صناعي لااازم قيصري حوضك مررررة ضيق و راس البيبي كبير يعني حتي لو دخل الراس مو طالع و في الأخير حولدك قيصري..توكلت علي ربي و استني الدكتور يقوللي متي العملية ولا رفع السماعة و يكلم القسم حق الولادة يقولهم حطلعلكم وحدة تجهزوها للعملية والله انا عيوني تبققت و احسبه مايتكلم عني و حتي اللي يكلمهم يقولهم والله ما امزح انا الربوع فل و بكرة مايمديني مافي الا اليوم..كتبلي ورقة و قاللي اطلعي فوق انا اخلص مواعيدي و اطلعلك اسويلك العملية خففففففففففففففففففففت بس في نفس الوقت انبسطططططططت لأني بصراحة ما أبغي طلق صناعي..

هو هداك اليوم كان دوامه من 5 العصر الى 1 الليل..
طلعت الغرفة الساعة 7 الا ربع و سوولي تخطيط لمدة ساعتين و تخطيط للقلب و سحبو مني دم و تحليل بول و جاني دكتور التخدير يسألني أسئلة و ما ادري ليه مصمم اني ادخن يمكن 3 مرات يسألني تدخني؟؟ أقول له لأ آخر سؤال قلت انت سألتنيتعاني من امراض قلتلك الربو كيف ادخن بالله؟؟ قهرني 😉 ههههه و كل شوية احد يدخللي ممنوع اكتر من شخص و انا طفشاااااااااااانة..
جات الساعة 12 قالولي يالله قلت اخيراااا جا الفرج و لسه جيت اجلس علي السرير اللي حينقلوني فيه علي غرفة العمليات ولا جاتني الدكتورة المناوبة و قالتلي معليش تستني ساعة في وحدة طوارئ و مافي الا دكتور تخدير واحد قلت يالله كل تأخيرة و فيها خيرة..
ولا مافي 10 دقايق و جاتني الممرضة قالت يالله لقيو دكتور تخدير..
نقلوني علي السرير و رحت…في البداية لما كنت عند الدكتور قاللي بس شخص واحد يدخل العملية و قلت أبغي زوجي قاله روح جيب موافقة و راح زوجي و جيت ادخل الغرفة حقت العمليات ولا الدكتور قاله خليك برة طيب ليش من البداية قلتله تعال و خليتني انبسط 😡 المهم دخلت و عطوني بنج نصفي دكتور البنج اسمه عمرو عبدالمنعم الله ييسرله كل اموره و يوفقه و يستر عليه و يرزقه مايتمنى و يخليه يــــــــــــــارب انسان قمة في الذوق في التعامل و يهتم انك ما تتألمي و يخفف علي الوحدة..
المهم جا الدكتور أحمد عبدالمجيد و بدأت العملية و الساعة 1:56 فجر الثلاثاء طلعت أحلى بنت في العالم ((حـــــــلا)) طلعت تصررررررررررررررررررررررررخ و تبكي مسكييينة بزيادة قامو قالولي بردانة و اخدوها في الدفاية علي طول 😆

دخلت غرفتي الساعة 4:20 الفجر و انا بردااااااااااااااااااانة و طلع هدا أثر البنج و نمتت جابولي بنتي الساعة 7 الصباح و شفتها..
جلست في المستشفس ((سليمان فقيه)) 4 أيام و والله معاملة جددددددا كويسة و الممرضات طيبااااات و كل يوم تجيني وحدة تسويلي تمارين تنفس و تمشيني بس الحمدلله من اليوم الثاني انا امشي لحالي بس بشويييييييييش و الم بس استحمل..

دحين عمر بنوتي 21 يوم ادعولي اني اقدر ارضعها طبيعي بس ولا احتاج للصناعي ياااااارب.

طولت عليكم ادري بس حكيت القصة بالتفصييييييييل…

و عقبال كل الكروشات بولادة سهلة ميسرة يااااااارب…و الله يرزق كل من تتمنى