عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الســــــــــلام علـــــــــيكم يا فراشات
شخباركم ان شاء الله بخــــــــــــيــــــــــر
المهم الموضوع يقول كل وحده تدخل و تقول لنا من وين هي بالخليج ؟
في الاعراس لما تصير عندكم مناسبة او لما كنتي انتي العروس
شنو تجهيزج و جم يكلفج كلللللللل شي
مثلا
انا بحرينيه
العروس
فستان ,,أفضل المحلات ,, مثلا مليكان او للخياطة السعفة أو الأولى ،،أجار في حدود 80 دينار بحريني الى تقريبا 200 او 220 دينار بحريني و اذا كان تفصيل يكون سعره من 250 الى 800 او حتى 900 دينار بحريني
الحنه ,, أفضل صالون ,, روشنا ,, حناية بالبيت رقية بكون سعره اقل شي 10 دينار بحريني الى تقريبا 50 دينار و ما اعتقد انه يتعدى هذا السعر
الصالون ,, أفضل صالون ,, صالون الأميرة ,صالون سلوى , العفراء , نجلاء , أنسة البحرين , أشرقت ،فاطمة شويطر و السعر بكون من 40 دينار بحريني الى في حدود 70 او 80 دينار بحريني ( شامل الشعر و المكياج)
يعني هذا مثال بسيط و ابي منكم يا بنات البحرين تضبيط الملف البحريني و كتابة جميع متطلبات العروس و بأسعارها
و يالله يا بنات الكويت و الامارات و قطر و عمان و السعوديه بالمشاركة
بس لازم تكتبون في حدود كم الاسعار
لأن مثل ما انتو عارفين احنا شعب واحد و في منا البحرينيه تتزوج سعودي و القطرية تتزوج اماراتي
و هكذا يعني لازم نتعرف على بعض بكل شي
اوووه نسيت اهمممممممممم شي كل وحده تقول عاداتهم و تقاليدهم في الاعراس يعني مثلا
احنا بالبحرين
عندنا
في الخطوبة اول شي
حفلة الملجة العروس تلبس و تكشخ و تروح الصالون و يسون لها حفلة عائلية و تسوي سفرة عجم
اللي ما اظن ان حد منكم يعرفها في الخليج غير البحرينيات
و بعدها حفلة الحنه بعد تكون عائلية و احيانا تعزم الجيران بعد و تلبس و تروح الصالون بس لازم يكون شكلها بسيط ما تكثر
حفلة الخطوبة
تلبس فستان و جيبون و يكون ملون طبعا يعني مو ابيض و تروح الصالون و تتعدل كعروووووس
بعد فترة الخطوبة و لما يكمل تجهيز العروس للزواج
يسوون للعروس
بعد حفلة حنه نفس اللي كانت في الخطوبة
و يسوون لها حفلة الجلوة و تلبس دراعه راقيه و كشخه و تلبس ذهب و تجلس على كرسي و تمسك بشمعتين و يجلونها بسبعة مشامر زري و يغنون عليها و يدعون لها بالسعاده في حياتها الجديده
و بعدها بيوم تكون حفلة العرس و هي الزواج و تلبس العروس الفستان الابيض و الطرحه و تتعدل بالصالون مرة ثانية كعروووووووس و تروح بيت زوجها
هذي عادتنا بالبحرين
يالله يا خليجيات
ابي اشوف عادتكم و تقاليدكم و نتعرف على بعض اكثر
و يمكن انتو مثلنا
تحيــــــــــاتي……..
عروس البحرين
سلاااااااااااااااااااااااام
