عالم البنات النسائي كل ما يخص المرأة العربية من ازياء وجمال والحياة الزوجية والمطبخ
باختصار مليت ..
نعم مليت .. فوق ما احد يتصوره ..
قصتي .. بعد زواجي بثلاث سنوات حملت وانجبت مرتين متتاليتين .. يعني بنتي وولدي ما بينهم الا سنه بالضبط .. لكم تتخيلون الشكل العام والنفسية .. كل مشاريعي مؤجله .. الوظيفة اولا والطلعات والروحات .. حتى جلسة هاديه ورايقه مع زوجي مافيه .. تتصورون الروتين ..
الحين دموعي تنزل .. من القهر على نفسي .. ولا احد حاس بالنار الي فيني ..
بالذات زوجي ..
الي مفروض يشاركني المسؤولية .. ويحس بي .. ويعوضني عن الأيام الي فاتت .. يدللني بعد سنتين اشغال شاقة .. والله الي اطلبه مو كثير ..
حاولت اطلعه .. مكشر ..
مطعم .. سوق .. اقنعه برحلة برية .. شوي ..
انا وانت نطلع اي مكان .. ولا رد ..
حتى لما اطلب امي ساعة احط عيالي عندها واجيه اقول له تعال نغير جوى .. ولو في البيت .. لا حياة لمن تنادي ..
والقهر لما اقوله على حسابي تعال نسافر يرفض .. يتمنن ..
وفي مرة لما طلبوه اخوياه يطلع معهم يومين للبحرين .. طار .. وانا في نفاسي ما فكر فيني .. تدرون ما جب لي هديه لما ولدت ..
احس بجمود .. برود .. والمشكلة انا بحر من مشاعر .. وابداع ..:074:
واحب اعتني بنفسي .. اتزين والبس .. بس ما حولك احد ..
والحين ..مليت .. ابي اسافر .. وهو يقول خير ان شاء الله بعدين اسفرك احلى سفرة ..
وافلقوني ان جاء بعدين .. او ممكن يجي بس بعد ما اكون ساعتها مت من الملل والقهر والبرود العاطفي ..:074:
ابي اسافر ..
ابي اغير ..
ابي اعيش لي يومين 48 ساعة بس ..
ابي اعيش ليلة رومانسية تنسيني همومي ..
ما ادري هل الي اطلبه كثير مستحيل ..؟؟
قولي لي الحل معه ايش .. اروح بيت اهلي ؟
لاني افكر جديا بالموضوع ..:043:
لاني ملييييييييييييييييييييييييييييييييييت ..
