آه آه يارب أكتب لي الحظـ

اول مره اكتب عن معاناتي وحياتي الخاصة

يابنات ضايقة فيني الدنيا لاأنيس ولاونيس انا الوحيدة عايشة بين أمي وأبوي
كل اخواني واخواتي تزوجوا الا انا

أول ماتخرجت من الجامعة كنت اقول اكيد تتفتح لي الدنيـا وأتزوج
زوج المستقبل اللي حلمـت فيه ويصير عندي عيال واربيهم احسن تربية
على الدين والاخلاق

لكن كل احلامي تبخرت الكل من صديقاتي تزوجـوا

واللي انخطبت وماكتب لها ربي نصيب

لكن على الاقل جاها نصيب وممكن تحس نفسها مرغوبه

كل ماتشوفني وحدة من صديقاتي او ناس اتعرف عليهم يقولون

انتي مخطوبة والا متـزوجه طبعا أرد بصوت مخنوق وخجول لا ماكتب لي ربي

ويبادلوني بالتعجب والاستغراب

أتمنى يكون لي حظ وانخطب لو مره بالعمـر
والحمد لله ماينقصني شي

اشغل نفسي فيها

حتى عيال اخوي يسالوني دوم ليه انتي ماصرتي عروسة
والله تخنقني العبرة وأقوم واتركهم

زوجات اخواني وأخواني يعاملوني معاملة العطف اي شي يشوفونه

وكل عبارات اخواني هذي هديه منـا

انا اعرف هو مو اهداء ولا شي انما نظرات عطف علي لاني بروحي ومااحد عندي يسليني

ابوي اوقات يقط كلام ودي اصيح لمن اسمعه يقول لزوجه اخوي يارب تجيبي ولد
وش ودك بالبنات ووجعهم يطيحون بكبدك ويعنسون ومايعرسون وبعدين تدفعين انتي فلوس
وودك تزوجيهم انا بذاك الوقت ضاقت فيني الدنيا ومسكت نفسي من الدموع 😛

لاني قدام مرة اخوي وهي من النوع اللي تتشمت وقمت من مكاني واتخبيت بمكان وبكيت

يارب انت أعلم بحالي وضعفي فاكتب لي نصيب عاجلا غير أجل

يارب انس وحدتي فرج كربتي اجعل لي رفيقا صالح يعينني على ذكرك وشكرك وحسن عبادتك

بنات رجاء من كل من تشوفني تدعيلي بالرزق

علما باني اصبت قبل ست سنوات بسحر وحسد وشفيت منها
هل تتوقعون هو سبب تعسر اموري

لاني اوقات احس باعراض تروح وترجع لي

اعتذر على اطالتي واعتبروني اخت لكم بتفضض

دعواتـكم لي ولو عندكم دعاء تييسر الزواج

لاتبخلوا علي احبابي
ولكم بالمثل