عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كل عام ونتم بخير
~~~~~~~~~~~~~
[ سلطة المكرونه ]
هذي امي بس تسويها من كنا صغار 🙂
وتفك ازمة جوع لأختي اخر الليل 👿
اجل ذا العجازه داقه علي 3 الفجر تقول سويلي .. 😆 idea:
[ المقادير ] :
مكرونه مسلوقه مع شوية ملح وفلفل اسود
بصل اخضر مقطع لقطع صغيره
جزر مبشور
خيار مقطع لقطع صغيره
الصوص
ملعقتين كبيره مايونيز
عصير ليمونه
شوي ملح وفلفل اسود
,
,
[ الطريقه ]
نخلط كل المقادير مع بعض لما تبرد المكرونه ..
وتقدم بارده ..
وبالعافيه .. 💡
,
,
[ سلطة الجرجير ]
ما ذقتها بصراحه .. لأني ماحب الجرجير ..
بس دام ابوي كلها وماعفس وجهه يوم ذاقها يعني زينه .. 😉
[ المقادير ]
جرجير
جزر مبشور
ذره
الصوص
بما ان الكميه قليله .. قللت من كمية الصوص ..
كلن وحسب رغبته ..
نص ملعقه كبيره خل البلسميك
عصير نص ليمونه
ملح
فلفل اسود
نص ملعقه كبيره زيت زيتون ..
[ الطريقه ]
نخلط مقادير الصوص مع بعض ونحطه على مقادير السلطه ونخلطهم مع بعض ..
وبالعافيه .. 😐
,
,
.. ماله اسم ..!
ياهو رواقه ع الصبح 😉
والله من الفضاوه مسويته الساعه 7 ❗
[ المقادير ]
بالله موفاضيه ..؟!
جزر مبشور ..
فليفله ملونه مقطعه معبات صغيره
3 ملاعق كبيره جبن سائل
4 حبات جبن كيري
شوية فلفل اسود
ساندوتش مقطع لشرايح دائريه
[ الطريقه ]
نخلط المقادير مع بعض من غير الساندوتش ..
ونحطها ع الساندوتش ..
وندخلها الفرت لماتذوب الجبنه ..
وبالعافيه .. 😳
,
,
[ ستيك ساندوتش ] .. 😛
هذا كانت تسويه لنا عمتي من كنا صغار 😉
كل مره نقول لها تسويه ..
لين اخذت الطريقه وصرت اسويه 😛
[ المقادير ]
شرايح ستيك منقوعه ب(ملعقتين كبيره خل ونص ملعقه كبيره خردل وعصير نص ليمونه وشوية بهارات وفلفل اسود) لمدة بين ساعتين الى 3 ساعات ..
صوص ال hp الازرق
كاتشب
كريمة الساندويتشات ( نسيت اصورها .. بصورها لاخلصت من الموضوع واحطها )
صوص الورشستر
عصير ليمونه
بصل اخضر مقطع شرايح صغيره
جزر مبشور
شوية بقدونس مفروم ( كمية قليله )
ساندوتش صغير ..
ملح
فلفل اسود
[ الطريقه ]
ناخذ شرايح الستيك ونحط عليها زيادة صوص الورشستر ونحطها بصينيه للفرن وندخلها الفرن لما تستوي
بعدما تستوي نطلعها ونقطعها لشرايح ونحط عليها ملعقه كبيره من صوص ال hp ونخليها 10 دقايق لما تتشربها ..
وبعدا كذا نخلط عصير الليمون والملح والفلفل الاسود وملعقتين كبيره من كريمة الساندوتشات وملعقه كبيره كاتشب .. ونحطها على الجزر والبصل والبقدونس وبعد كذا نحط كل هالاشياء على شرايح الستيك
ونخلطها ونحطها بالساندوتشات ..
انا كان الساندوتش اللي جابوه لي صلب يجيب المرض .. فحطيت بعضه بتوست
[ ساندوتش الدجاج ] 🙁
[ المقادير ]
صدور دجاج مقطعه مكعبات ومسلوقه مع مكعب ماجي وفلفل اسود وفص ثوم _ عشان تروح زفرة الدجاج _
فطر مقطع شرايح
جزر مبشور
فليلفه ملونه مقطعه شرايح طويله
كاس كريمة خفق
بهارات مشكله وفلفل اسود
بصل مقطع مكعبات صغيره
نص فص ثوم مفروم
مكعب ماجي
ملح
جبن موزاريلا
ساندوتش
مقادير الصوص
ملعقتين كبيره زبادي
ملعقتين كبيره مايونيز
ملعقه كبيره صوص الرانش ( قودي افضل شي بالنسبه لي )
ملعقه كبيره كاتشب
شوية فلفل اسود
عصير ليمونه ( اللي مايحب يكثر ليمون يحط نص )
[ الطريقه ]
نحط زيت ع النار ونحط عليه البصل والثوم لما يذبل وبعدها نحط الدجاج ونقلبه شوي
وبعدها نضيف الفلفل ونقلب
وبعدها نضيف الجزر والفطر ونحط عليه البهارات والفلفل الاسود وشوية ملح ومكعب ماجي
ونقلبهم لمدة 5 دقايق تقريبا ونضيف عليهم كريمة الخفق
لما تنشف وتثقل نسكر النار عنها ..
ونخلط مقادير الصوص مع بعض ونخليه على جنب
الحين نجي لباقي الطريقه بالصور
نتقص الساندوتش بالنص ونفرغه من الداخل بحيث نخلي الاطراف عشان لما نحشيها ماتطلع من تحت 💡 ونصفه بصينيه بحيث يكون واقف ➡
الصور تبين كل شي
وبعد كذا نحط من حشوة الدجاج الى نص الساندوتش وبعدها نحط الصوص
وبعدها نحط حشوة الدجاج
وبعدها نحط جبن الموزاريلا
ونحطه بالفرن لما تدزوب الجبنه وبعدين نحمرها من فوق ..
وبالعافيه 😛
يتبع
