آختي بتضيع من يدي وانا قآعده أتفرج عليها ! الله يسعدكم ادخلو وساعدوني

آخواتي الفراشات انا عضوه جديده بهذا المنتدى ..

ليا فتره وانا اتصفح اقسام المنتدى وأكتر قسم عجبني وشد إنتباهي هذا القسم ..

شوفت فيه مشاكل ومعاناة الفراشات حزنت وبكيت لحزنهم وفرحت لفرحهم حسيت انو

قلوبكم على بعض وكل وحده تحاول تساعد غيرها بشتى الطرق حمستوني الين ماقررت

اني اتشجع واكتب موضوع شغل بالي ايام وليالي ..

أخواتي يعلم الله وانا بكتب لكم همي آملي بالله كبير ثم فيكم انكم راح تساعدوني
وماتخيبو ظني فيكم ..

راح ادخل بالموضوع على طول واشرحلكم المشكله بالتفصيل ..

مشكلتي هيا (( أختي ))

أختي عمرها 17 سنه وانا اكبر منها بسنتين العلاقه الي بيننا فيها تورتر ونفور بعض

الشي وانا خايفه بيوم من الايام انها توصل لفراق بسبب اختلاف عقلياتنا

بتسألو ليش ؟؟

اقولكم لانو انا انسانه صريحه وما اعرف اجامل وما ارضى بالغلط ابدااااااااااااا عكسي

اختي تماماً كل حياتها غلط بغلط وهيا من النوع الي يزعل بسرعه ومايتقبل النصيحه

ابداً مع العلم اني دايماً انصحها وافهمها انو هاذي دنيا ومصير كل واحد فينا الموت

ولازم نتوب ونستفغر ربنا من حين لحين لكن لاحياة لمن تنادي مجرد ما انصح تبداء

تتنرفز وتعصب مني واحياناُ ماتكلمني عشان تتحاشى نصايحي ورربي انا تعبت من دا

الشي مني عارفه ايش اسوي سرت اخاف انصحها وتبتعد عني اكتر واخاف اسكت

وارضى بالغلط والاقيها تضيع اشوي اشوي وانا اتفرج عليها ..

من كتر ماسرت انصحها سارت تخاف تفضفضلي وتقولي شي عشان لا اقوم وانصحها

وهيا قبل ابداً ماتفضفلي ولا عمري احس انو احنا خوات زي البنات الثانين ..

وانا وربي كل نصايحي لها من خوفي عليها وخوفي انها توقع بغلط هيا مو قدو لانو هيا

عقلها صغير اشويا وعلى نياتها وينضحك عليها بسرعه وزي ما انتو عارفين دا الزمن

مايتأمنلو بالمره وينخاف منو .. زي مره قالتلي علموضوع تاخد رأي فيه وهوا بي الاساس غلط انا

سكت قلت انصحها ولا خليها الاتسويه تسويه بس ماقدرت وقلت افهمها ع الاقل مجرد مافتحت فمي

زعلت واتنرفزت وقالتلي خلاص بعمري ما اقولك شي اوف منك و مادري هوا مني الغلط ولا
منها ..
المشكله من فتره لاحظت جلوسها الدائم على شاشة النت وبشكل مستمر وطول اليوم

ويوم عن يوم يزيد اهمالها لدراستها حتى سارت تتأخر بالنوم وحالها منقلب حتى كلامها

قل معايا مع انو بي الاساس هيا قليلة الكلام ومااتتكلم كتير بس دي الفتره سار اغلب

كلامنا [س وج ] وبس انا استغربت وبدات اخاف وكم مره حاولت اعرف ايش تدخل

بالظبط لانو واضح انو النت هوا السبب بهذا الشي عرفت انها تدخل منتدى معين

وبشكل دائم سألتها ايش هذا المنتدى على اساس اني ابي اسجل ومالمحتلها ابد اني

اراقبها او شي المهم عرفت اسم المنتدى وسجلت طبعن وكان المنتدى عادي جدا ولا

فيه شي يجذب سألتها ايش تسوي فيه ايش الحلو فيه يطفش قامت قالتلي عادي ارد

على مواضيع واقرىء واستفيد انا هنا فرحت قلت الحمدلله يعني شي كويس الله يوفقك

يارب بس ياقلبي لاتهملي دراستك بسبب دا الشي حسيت انها زعلت اشويا طنشت

ومشيت الموضوع وكانو ماسار شي ..وبس مر كم يوم وعلى نفس الحال دايم تكون

متواجده بنفس المنتدى لكن ماكنت اشوفها ترد على مواضيع او تستفيد زي ماقلتلي

دايما كنت الاحظ وجودها بصفحة الرسايل الخاصه .. ومرت الايام وكل يوم يمر يزيد

تعلق اختي بالنت لدرجة احيانا اول ماتصى من النوم الاقيها تجلس عليه .. وبيوم دخلت

الغرفه وكنت وقتها مرره طفشانه وزهقانه ونفسي افضفض واتكلم مع احد وطبعن اختي

كالعاده ع النت الله يقلعه جلست ع السرير واتفرج على التلفيزون وفجأأأه انفصل النت

قامت اختي تخاصم وتسبسب انا وقتها فرحت وقلت احسن سيبه خلاص تعالي نتكلم

اشويا طنشتني ولا كانو موجوده وزعلت من كلمتي وقامت تصلح فيه الين ماسوتو

ورجعت عليه انا سرت اطل فيها بي استغرااااااب شددددديد وقلتلها اوف كل دا عشان

النت فصل من جد استغربت ايش دا الشي المهم الي خلاها تعصب لدي الدرجه .. بعدين

لقيتها فاتحه صفحة موقع الي هيا لعبة ( البلياردو ) واعتقد الاغلبيه يعرفها ويعرف

ايش فيها ومافيها قعدت اتفرج ولقيتها تلعب مع شخص وتتكلم معاه بحماس سألتها مين

هذا ؟؟ قالتلي واحد من المنتدى سكت ولا اتكلمت ولا شي كملت الفيلم الي كنت بتفرجو

وخلص الفيلم وانا حطق من الطفش وهيا مازالت بنفس الموقع ومع نفس الشخص

بدات اشك بالموضوع عدى اليوم على خير ومر كم يوم والحال زي ماهو دائما اشوفها

بنفس الموقع ومع نفس الشخص ويتكلمو طول اليوم وبالساعات وبنفس اليوم وقبل

ماننام سألتها تجاوبني بصراحه من يكون هذا الششخص وليش طول الوقت تتكلمي معاه

قالتلي واحد عادي من المنتدى عصبت وقلتلها اعرف من المنتدى من يكون طيب

عصبت هيا كمان وقالتلي واحد احبو ويحبني خلاص ارتحتي

قالتلها نعم نعم ومن متى مشاءالله قالتلي من زمان اووف منك خلاص ابغا انام ورايا مدرسه قلتلها طيب نامي يسير خير انشاءالله ..

ونامت هيا وانا مو راضي يجيني النوم من كتر التفكير بالكلام الي قالتو تعبت وتعبت