آحبهه موت ودآيم آفككر فيه ولآككن …!

بسم الله الرحمن الرحيمالسلام عليكم يا فراشات ارجو ان تكونو في تمام الصحة والعافية
انا في الحقيقة اعاني من مشكلة احيانا اشعر بانها جميلة وحلوة واحيانا يتكدر خاطري لها
وسوف اروي لكم قصتي من طقطق لسلام عليكم ارجو تفيدوني
انا كنت في بلدي الفتره السابقة و تفاجأت انه التقينا بأصدقاء للعائلة ايضا و قضينا الفتره المحددة لنا وكان حجزنا للرجوع الى المملكة يوم 16 فحصلت ظروف غير متوقعه ولم تتيسر لنا ف أتينا بالباخره و قلنا ما دام هم كمان موجودين وبيرجعو نرجع كلنا سوا فحجزنا عبر الباخره كلنا
وقبل موعد السفر باسبوع رتبنا طلعه و طلعنا كلنا وانا في الحقيقه كان لافت نظري الشاب اللي هو ابن اصدقاء العائل و طول الوقت كان جالس جمبي و حتى لما جا العشاء مد لي الطبق و قالي تفضلي وانا في ذاك اليوم ما دردشت معه ولا شي لاني كنت مستحيه حدي
وفي موعد السفر كانت رحله طويله وشااااقة ف اول ما طلعنا الباص كان جالس في الكنبه اللي قدامي بعدين نظر للخلف وجا جلس في الكرسي اللي على يساري وضحكنا شووي
لما جينا ننزل من الباص كان في زحام شديد فاخذ يدي وشدني بقوه و نزلني حسيت بشعور عجيب

بعد كده نمنا في فندق ليلة وحده وفي الصباح تحركنا على المينا
وقبل الدخول للباخره كان مره زحمه وحر وقرف وانا كتفي باين والعبايه مفتوحه قام دق بيدو على كتفي قالي غطي كتفك والله استحيييييت ههههه اول ما طلعنا الباخره اجرنا غرفه وهو جا قالنا ايش تبغو العشاء قلتله انا ابغى بيبسي بس قالي بس بيبسي ؟؟؟ قلت ايوة قالي من عيوووني
ولما وصلنا جده تحركنا فورا على المدينه واتفقنا انو ما نبيت في جده اول ما جيت انزل المحطه انا كنت جالسه اخر شي والسياره عاليه قام جا مسك يدي وقالي انقزي
والله حسيت بشي غريب اتجاهه مع اني من زمان عاجبني واحبه وهو كان يقولي انا احبك ب ما كنت اعبره
يا بنات والله اني احبه وابغاه ومدري ايش اسوي ما بيدي شي غير الدعا
وروني كيف اتصرف و احل مشكلتي ؟؟؟
وهو مضاف عندي في الماسنجر والفيس بس ما يدخل صاير هاذي الايام
وانا خجوله جدا ارجوكم ساعدوني
وترا من زمان هو كان يقولي انه يحبني و يلمح لي كثير بس انا ما عبرته وهذا قبل سنتين
ترا ما عندي غيركم اكلمه وافضفض له والله اني من يومها وبس افكرر ما ادري ايش اسوي