عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته …
كيفكم ياغاليات … 😆 🙂
انا قصتى ماوردت على بشر لى تقريبا شهر اوا اكتر بدوامه مايعلم بى الا الله سبحانه ماراح اطول عليكم بقولكم قصتى من طقطق لسلام عليكم ………. 😳
شوفو من خمس شهور تقريبا لما تجينى الدوره احس بالالم فظيعة اسفل بطنى ورجولى لدرجه مااقدر ارفعها ازا رفعتها اصيح منها طبعا سكت على نفسي كتير بس الحمدلله على كل حال لما خلاص قلت مابدهاش يابنت رحت تقريبا من شهر وقت ماجاتنى الدوره لمستوصف جنبنا وياليتنى مارحت طلعت من عندهم زي المجنونه اكلم نفسي ➡ خخخخخخخخخخخخخخخخخ ودانى اخوى الله يحفظو وقلت هادى المره اروح للدكتور نساء وولاده بدل مااروح اخذ ابره دخلت عند الدكتور ودخل اخوى معاى وسألتنى ايه مالك ؟؟؟ قلت لها وانا عيني على اخوى ومتنحه 😛 يادكتوره معاى الدوره ولى تقريبا خمس شهور احس بالم اسفل بطنى ورجولى تالمنى ؟؟ قالت لى : تعال اكشف عليكي كشفت واول ماحطت يدها اسفل بطنى وضغطت صرخت انا ودفيت يدها قالت لى لا لازم اعمل لكى سونار قلت لها طيب ورحت عملت سونار والمشكله اللى سوى لى السونار دكتور اشك انه دكتور بيطرى مو دكتور اوادم ابدااااا .. طبعا دخلت الغرفه اللى راح اسوى فيها السونار ودخل برضو اخوى معاى ؟؟؟ يالهوى 😆 خخخخخخخخخ
انسدحت على السرير وجاء الدكتور وكشف على واول ماكشف على قال لى : انتى متزوجه قلت له لا انا بنت ومعاى الدوره … المهم جلس يحوس ببطنى ويفتش وفجاءه قال؟؟ اللله اي دا في كيس داخل الرحم انا مجرد ماسمعت كدا التفت عليه وقلت له بصوت عالى ايش 😛 ؟؟؟ قال اه دا كيس وكبير كمان !!! عاد على السؤال مره تانية انت اخر مره متى حملتى ؟؟ تنحت بوجه الودر وضحكت قلت له يادكتور كنت ابغا اقول له ياحمار بس مسكت لسانى خخخخخخخخخخخ يادكتور انا قلت لك انا بنت ومعاى الدوره كيف تقول لى في كيس داخل الرحم احسن قول لى في نبض <<<<بصيح 😆 hy:
طبعا مصمم انو في كيس داخل الرحم وندا على الدكتوره اللى كشفت على وجت الهبله التانية وكملت الباقي ….ويقول لها بوصي دا كيس كبير اوى وهى تهز براسها تقول ايوا في كيس كبير اااااااااااااخ بس وعادت على نفس السؤال انتى متزوجة قلت لاحول ولاقوة الا بالله يادكتوره اقولك انا بنت كيف تفهمين تراكى جبتى لى الجونان انا الحين جايه اشتك من الم من الدوره طلعتو لى مصيبة ماادرى من وين ؟؟
قالت لاخوى اطلع شوى ابغا اسالها سؤالى حريمى خخخخخخخخخخخخخخخخخخخ بلا بطختها ال حريمي ال 😆 idea:
تخيلو ايش قالت لى : بعد هدا السؤال انا انجنيت وطلعت اكلم نفسي واصارخ ورجعت البيت اصيح
قالت لى يابت انتى مخطوبه ولا متزوجه طالعت عليها كان نفسي اشبشبها قلت لها انا معاى الدوره وبنت اوريكي انو معاى الدوره <<<<<ماستحيت من قهرى قالت لى : انا اصلا كنت عوزه اعمل لكى تحليل حمل….. ايش تحليل حمل ياخراشي الله يقلعها شككتنى بعذريتي 😎 خخخخخخخخخ استغفر الله 👿
انا قالت لى تحليل حمل انا دفيت يد الدكتور ونطيت من فوق السرير ماحسيت بنفسي وطلعت اصارخ وازعق على اخوى واقول له يبغون يسون لى تحليل حمل انا بنت انا بنت ؟؟؟ 😐
اااااااااه يابنات رجعت اليت اصيح نسيت الم الدوره جلست اسبوع تقريبا وانا بحاله مايعلمها الا ربي اصلى وادعى ربي انو مافيني شئ 😆 🙄
رحت تقريبا بعد كم اسبوع لدكتوره استشاريه مره ممتازه وكشفت عندها قالت لى انو في كيس دموى على الرحم حجمو سبعه اعطتنى حبوب ياسمبن قالت لى : استعمليها وتعاللى بعد ماتخلصي الحبوب استمريت على الحبوب تقريبا 18 يوما كنت خايفه انها تأثر على بما انى بنت بس طمتنى الدكتور مامنها مضره الحمدلله على كل حال …. بعد 18 يوما تعبت حسيت بالم بظهرى واسفل بطنى ولدرجه انى مااقدر امشي ولا اوقف واهلى يمشونى رجعت للدكتور الاستشاريه وكشفت على وقالت لى انو الكيس كبر حجمو ولازم منظار دخلت اتنومت وسويت المنظار والحمدلله ؟؟؟ بعد مافوقت من العملية جاتنى الدكتوره واطمنت على بس الله يسامحها فجعتنى فجعه ؟؟؟ قالت لى انو الكيس الدموى اللى على الرحم مره صغير بس الى كان متعبكى هو ؟؟ ورم ليفى … انا قالت لى ورم ليفى طارت عيني كانها عطتنى كف على وجهى 😉 آآه الحمدللله مقدر ومكتوب
قالت لى انو يروح مع الابر وازا ماراح يمكن نسوى لكى فتح بطن ؟؟؟؟؟ فتح بطن وانا بنت ياربي رحمتك وانا بس سوت لى المنظار وشالت لى الكيس والله يابنات كانى حرمه طالعه من عملية قيصرية بمشيتى والالم أآآآه على الالم حتى الله يكرمكم لما اروح الحمام ابغا اتبول احس باالم فضيع الحمدلله على كل حال …..
دعواتكم لى ياغاليات بجد محتاجه لدعواتكم الله يهون على ويخفف على
انا عارفه طولت عليكم … سلامتكم 😳
