عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سافرت عند اهلي كم اسبوع …دائماً كل بعد كم شهر اروح لهم لاكن هذي السفره غير فقدت روحي وقلبي وتاج راسي ابوي,,,,,,,
بحكي لكم قصتي ابغى ارتاح شوي وابغى منكم دعواتكم لبوي حبيبي الله يرحمه برحمته ويجمعني به في جنت النعيم يااااارب
سافرت عند اهلي زوجي جلس يومين وسافر على اساس اسبوعين ويجي ياخذني اليومين الي جلسها زوجي كانت اغلب الوقت مزح هو وابوي كان ابوي يحب زوجي سافر زوجي وجلست عند اهلي كانت الاسبوع الي قضيته من اجمل الايام جلست مع ابوي جلسات طويله سمعت ضحكاته ومزحه معي ومع ولدي كنت كل كم شهر اخرج عند اهلي اسبوعين لاكن ابوي علشان شغله كان اغلب الوقت برى ويجي وقت النوم تعبان يجلس معنا شوي وينام لاكن الاسبوع الي جلست معاه كان غير ماكان يخرج كثير اغلب الوقت جالس معنا كأنه عرف حبيبي انه مابقى له الاهذا الاسبوع يجلس معنا ……اليوم الذي ودعنا فيه روحي وقلبي وتاج رأسي قام صلى الفجر ورجع دخل غرفته وشوي وخرج وانا صاحيه مع ولدي من بعد الفجر سألته ليه مارجعت نمت يابوي قال ماجاني نوم قلت بسوي فطور قال طيب شوي وارجع ..طلع واقل من نصف ساعه رجع وصحيت امي وسألتنا ليه مانمتم انتي وابوك قلت ابوي مافيه نوم وانا مع ولدي اقترحت على امي وابوي نفطر في السطح فرح ابوي وقال خلاص يالله وطلعنا وافطرنا وانبسطنا.. ابوي قام يدور في السطح مو مرتاح ويودعه بالنظره الأخيره نزلنا بعد ماطلعت الشمس واغلب الوقت مزح وضحك ..قبل الظهر قال ايش الي ناقص في البيت راح والله يابنات جاب كل شيء بزياده …بعد الظهر تغدينا وجبت شاهي وجلسنا مع بعض الغريب ماجانا نوم في اليوم هذا ….قرب العصر توضأ حبيبي وطلع من البيت قبل مايطلع ناظرني نظره غريبه نظرت مودع لدرجة جلست اطالع في نفسي اقول اكيد ابوي شايف شيء فيني يطالع بدون مايرمش(آآآآآآه يابوي ياليت اني عرفت اني ماراح اشوفك وان نظرتك كانت وداع لي علشان ارتمي في حضنك آآآآآآه ياحبيبي الله يرحمك ياروحي) وبعدين خرج وفي اقل من ساعه والله يابنات اقل من ساعه جاء خبر مفجع ان ابوي حبيبي تعرض لحادث مروري وتوفى…مات وماتت احلامي وتقطع قلبي والله الدنيا صارت صغييييييره في نظري كرهت حياتي اتمنى اني الاقي ابوي في اقرب وقت رحمك الله يابوي والله يجمني بك في الفردوس الاعلى إن شاءالله دعواتكم لبوي وان الله يصبرني ويصبر قلب امي ويحفظها لنا .
اللَّهُمَّ اغْفِرْ لَهُ وارْحَمْهُ واعفُ عنْهُ وأكرمْ نُزُله، ووسِّع مُدْخلَهُ واغسلاهُ بالمَاءِ والثَّلْجِ والبَرَدِ ، ونَقِّاهِ من الخطَايا كَمَا نَقَّيْتَ الثَّوبَ الأَبيضَ من الدَّنَسِ ، وأَدْخِلْهُ الجَنَّةَ وأعِذْه من عَذَاب القَبْرِ (ومِنْ عَذَاب النَّارِ )
لأحول ولا قوة إلا بالله العلي العظيم…..
