عالم البنات النسائي كل ما يخص المرأة العربية من ازياء وجمال والحياة الزوجية والمطبخ
وقت حدوث الحلم بالساعه : كان بعد الفجر يعني الصبح لأني قمت مستغربه ورجعت كملت نومي اذا ماني غلطانه
الحاله الدينيه : عاديه ولكن قاعدين نجاهد الله يعين
الحاله الاجتماعيه : متزوجه وعندي ولد وبنت
المهنه : ربة بيت
حالتك قبل النوم : عاديه جدا
بسم الله الرحمن الرحيم
هذا الله يسلمك تحلمت قبل فتره يمكن مر شهر او اقل
انه قاعدين جمعة حريم وفجأه وحده من الحريم وهي من قرايبنا من بعيد بس من الجماعه يعني كبيره بالعمر وعندها احفاد لكن توها بصحتها وعافيتها ماشاءالله
المهم قامت جابت سكين وواقفه وتطالع بالحريم وتطعن بنفسها ببطنها وترجع تشيلها وتطعن مره ثانيه بقوه
في الحلم انا احس اني صرخت وقمت اضم ولدي او بنتي ماني فاكره لكن حد من عيالي واصوات الحريم تصارخ
لكن شوي اشوف واحد من عمامي وهو بعد رجال كبير بس مو مره قاعد قبالها يطالعها وهي تطعن بنفسها ويضحك عليها بقوووه ؟؟؟
اللي بالحلم كلهم لسى عايشين وابدا ماجو ببالي الفتره هذي ولافكرت فيهم يعني ؟؟؟
انا ودي اعطيك اساميهم واشياء ومعلومات وكذا بس بصراحه مااقدر احطها هنا بالعام 🙁
