عالم البنات النسائي كل ما يخص المرأة العربية من ازياء وجمال والحياة الزوجية والمطبخ
©«-.¸¸.-»© صندوق تجارب الفراشات للإفاده والإستفاده © «-.¸¸.-»©
السلام عليكم ورحمة الله وبركاته..
ياهلا ويا مرحبا نوركن غطا الكهربا >>>>عز الله ما بيشتغل ولا كمبيوتر ولا لاب توب فارغ البطاريه
اقلطن حياكن الله
والله قصتي اني بعد ما اندوشت ويعيوني تحولت وراسي صدع
من كثر ما اقرا من خلطات ووصفاات وكريمات وادويه وحبوب وابر و و و
وصرت اسوي شي ثلاث ايام واشوف في المنتدى غيره وابطل اللي اسويه عشان اجرب غيره يقال افيد
يعني مو معقوله
والاقي الموضوع 30 صفحه واقعد اربع ساعات اتصفح ابغا الاقي رد يقول انا جربت الخلطه وفادتني
ولا الاقي الا وين الاقيه وكم يقعد ووين احفظه وبإيش اغسله وكيف اتدهن به
او النوع الثاني من الردود اللي هي تسلمين اختي مشكوره نجرب ونرد منك
قلت هذا الحل
انزل موضوع لخواتي للتجارب فقط
يعني كل وحده تقط تجربتها اللي شافت نتيجتها وبينت فايدتها وخلت الخشه تلق من البياض والسنون تصاصا كنها لولو والجسم كنه قطنه والبراطم لله الحمد كنها بدت تورد
والثانيه تقول الخلطه اللي سودت وجهها وتكرنته على مابه من سواد وجابت له الحبوب في الركبه ولون بنفسجي في الكوع>>>>مع اني ما اظن الركبه والكوع تتغير لا لأحسن ولا لأشين ما يعوقها شي
والثالثه تقول سويت هالخلطه وليتني ما ضيعت وقتي ودراهمي فيها لا تضر ولا تنفع
والرابعه تقول جربت هالآله لذيك الاماكن اللي فشلت بنا.في كل مكان على وجه الارض تلاقون ذكرها وشكاوي عليها
بس ياليت ان الموضوع يكون لتوضيح نتائج الخلطات والكريمات وهالاشياء
واللي تقول وش نفع معها ووش ضيعها تقوله بالتفصيل لأجل ما تورط احد وبنفس الوقت تنفع خواتها المسلمات وتاخذ فيهن اجر أو تحط الرابط حقه
وتقول بعد كيف كانت وأين وصلت
وعساه كل وحده تساعد في الموضوع يحقق لها مرادها ويرزقها من حيث لا تحتسب
ويلا عاد خلونا نستفيد من تجارب وخبرات بعض
وترا الموضوع موضوعي نوره الفهمي وما احلل اللي تسرقه
