عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اهلين حبيباتي الفراشات..
بصراحه شفت هذا الموضوع واعجبني
وحبيت اني انقله لكم على شان تستيفيدون منه
———————————————
موضوعنا عن الكيرلي …
وحلو ان الواحد يغير من شكل شعره من فتره لي فتره
والكيرلي يعطي كثافه للشعر … بشكل مرتب وحلو ويدوم فتره لوقت الاستحمام ..
وخلوني اعرفكم على طريقتين بالكيرلي وبعدها استعرض معاكم خطوات لف الشعر للاطوال المحتلفه له…. وراح نعرف بعد كل شكل وجه ايش يناسبه من تسريحات للكيرلي ..وطبعا عارفين الشعر انوااااع
في الناعم وفي الوسط وفي الخشن
طبعا الوسط والخشن هذا يبيله سشواااااار بالاول
وممكن الوسط يضبط معاه طريقة اللف بدون السشوار … يكون الشعر اشوي رطب ويلف ويترك لمدة ساعه … والشعر الوسط بسرعه ياخذ اللف عكس الشعر الناعم
لكن الناااااااعم هذا ما يبيله سشوار … يعني تلف الخصل على طووووووول وتلفها يكون رطب اشوي او تضع الجل
لان الشعر الناعم بسرعه يطيح وما يضبط عليه اللف كثير الا اذا تركتيييييه وقت كافي يعني ساعتين تقريبا
ونبدأ نجهز المشط … واللفافات …. والكبسات …
الطريقه الاولى :
طبعا راح ناخذ خصله خصله من الشعر ونبدي نلفها … واللي شعرها مو ناعم نستشوره بالاول …
ناخذ خصله من الشعر ونمشطها
بعدها نبرم الخصله بالشكل هذا
ونبدي نثبت طرف الخصله على اللفافه … ونلفها للاسفل
ونسكر اللفافه عليها ونتركها لمدة نص ساعه او ساعه الا ربع او اكثر اذا كان الشعر ناعم جدا
ولما نفك اللفافه راح تطلع معاي بالشكل هذا
\\\
ونتابع الطريقه الثانيه .
ناخذ خصله ونثبت نهايتها على اللفافه ونلف للاسفل… الطريقه الثانيه مثل ماهي واضحه مانبرم الخصله مثل الطريقه الاولى
نلف الخصله للاسفل ونتابع اللف… ونقفل اللفافه عليها ونتركها للوقت اللي قلنا عنه
ونبدي نفك اللفافه للاسفل
وراح تطلع معانا بالشكل هذااااا
لا تخيبون ظني فيكم
واستنى ردودكم
