السلام عليكم
من باب التغير والخروج عن المواضيع الجدية
وش رايكم كل واحد يخبرنا عن اكثر الأعضاء بالمنتدى الغالي تخيل شكله ولا اوصافة من خلال اسمة بالمنتدى او اسلوبة وطريقتة بطرح مواضيعة
وانا ببداء اول واحد والله يستر على اشتراكي 
بصراحة من بداية تشرفي وانتسابي للمنتدى 
في بالي اثنين من الاخوان وهم اكيد اعضاء لهم محبة وتقدير عند الجميع
اول واحد
اممممممممم
كبير المستثمرين 
بيني وبينكم اتخيلة ماشاءالله مليان ومن اصحاب الاوزان اللي ما ينمزح معها ابدا 
واحس انه دايم جدي ومعصب وما عنده لعب وطويل ومتين
واول ما يدخل المنتدى ايده تشب علية يدور احد يحط حره قومة الصبح فية 
واكثر ما الله عطاه كره لاي واحد يحب يستظرف دمه او يتفلسف فلسفه مالها داعي
<<<<<<< شكله بيضحي فية كبير المستثمرين من طلعه الصبح 
اما العضو الثاني
اخونا المبدع دايما العيماني
وهالشخص مع اني احبه بالله وما بيني وبينة الا معرف خلال المنتدى بس
لكن ماعليه بقول شو تخيلته في بالي 
طبعا احس ان الله ماعطاه طول يعني قصير 
ونحيف بس حبيب وخدوم لأبعد حد 
وكل همه اول ما يدخل المنتدى يحصل حد يبا مساعده ولا برنامج عشان يتلاحق علية بالفزعة كالعاده
باله طوييييييييييييل وصدره وسييييييييييع 
الكل تقريبا يتفق على محبته وغلاته ولا يهنون كل الأعضاء
شعاره (المواضيع مع العيماني غير ) 
وسلامتكم
طبعا متاكد ان الاخوان بيخذون الموضوع بروح رياضية كعادتهم وماراح يوقفون معرفي المتواضع 
الله يستر لا يستلموني 
والدعوه كلها ميانه اخوان على بعض
تحياتي
اباهم بأي شكل
احياءا كانوا او اموات
وشكرا لهذه البادره الطيبة منج
تباهم حيين ولا ميتين حدد
باجر لك اربع بتان اييبونهم لك ما طلبت
واذا ماشي مثل ماحدرت بظهر
انا اللي فخاطري اشوفه كبير المستثمرين وبراكودا,,, واللي بييب لي صورهم بدخله المحفظة بفائدة 200 بالامية فالشهر
دبي بيبي اتخيلها طويلة ,,, ضعفيه بس شهيتها مفتوحه ماشاء الله
وكل يوم صابغه شعرها بلون ,,, باقي تصبغين مات بعد
المهم اتريا اللي بييب لي كبير المستثمرين وبراكودا
…………………
والله عجيب يوم عمري 65 وميلسه اطقطق على الكمبيوتر …حليلي والله ما اعرف الناس ليش يتحروني عيوووووووووز …انا حليلي بعدني احبي في العشرينات والله
ههههههههههههه
انا مب ضعيف ياليااااابس
(ولا متين طبعا
)
والفلعه من علامات الجمال (شدراااك انته)
وانا اتوقع متعني ومتصرف
متوسط الطول.. ضعيف
وشنبه يوقف عليه الطير
بس لو يكوي الكندوره بيكون كووول