يامرحبا الساااع
عقب مواضيع الخلل في التركيبه ……….طبعا موضوع قديم لاجديد في الساحه
كنت يالسه في الصاله على القنف واتخيل انه نحن استوينا شويه ولابسين يلد وشالين قبان نفس سكان استراليا الاصليين ………..والمصيبه اني سرحت في الموضوع لدرجه المعايشه
وفجاه انتبهت جان اشوف الوالده جدامي جان اقولها ممكن نستوي نفس سكان استراليا الاصلين ونلبس يلد خخخخخخخخخخخ……..جان اتقول هذيلاك من قبل يلبسون يلد …وحليلهم ………مافكرت الا في اللبس بس انا افكر في وضعهم مساكين……….كيف كانت هاي القاره العوده الفنانه بلادهم يمرحون ويسرحون فيها وفجاه ياهم الرجل الاوربي وراغهم واستوالا على البلاد ………
بس ايون السياح يتفرجون على شيفهم ……………….
تعتقدون عقب خمسين سنه بيون السياح يفرجون على شيفنا ………..الله اعلم
الحين نحن نزحنا صوب البر من عقب الخوانيج ………من المطار وساير حق المهنده لين سوق مرشد والكرامه والاسواق وكل مكان ………..حتى في السناتر يالله يالله اتشوفون واحد بكندورته اقصد لابس يلد ………….
اتريا تفاعلكم في الموضوع بين معارض ومؤيد ………….والردود لاتفسد للود قضيه….مهما كانت سلبيه وايجابيه
ها بوقب كبير المستثمرين…..عاد اسمحلنا يالاخو خذينا صورتك وانته ماتدري
الموضوع
خوووفي اليوم يالسين نتطنز وعقب كمن سنه تحقق تخيلاااتج>>خخخخخ
اما عن دبي ما اظن مواطن راح لها وما تعرض للموقف اللى رمست عنه الاخت دبي بيبي..كأن المواطن هو الغريب وهم اهل الدار …
فعلا موضوع ذو شجون ، والله يعلم شو بيكون حال عيالنا إذا كنا في الوقت الحالي نسبتنا ما تتجاوز الــ 15% .
كنت يالسه في الصاله على القنف واتخيل.
لو يالسه في الحوش شو بتتخيلين.
الله يعطيج العافيه
وما يستاهل كبير المستثمرين.
اما كلامج عن هذا الموضوع وااايد ممتاز وانا عن نفسي اقول هذا الشى طبيعي لان هذه الجاليه تعتبر من الفئه الشغوله او عماله بمعنى اصح وفيه منهم مستثمرين كبار وما شاء الله, لا تنسين ان عددهم فوق المليار اكيد بيكونون في الامارات وغيرها , والحمد لله بفضل الشيوخ ما عندنا حساسيه من اي جاليه سواءا هنديه والا غيرها واما من ناحيه زحف هل الدار عن المدينه اعتقد بسبب البداوه العريقه الموجوده وعدم حب الزحمة طبعا .
وهذا عن رأي بسيط ووجهت نظر بسيطه والسموحة منج .
والله وانتي الصادقه ………….بيتمون ايطالعونا ……….اونه نحن السكان الاصليين
خخخخخخخخخخخخخخخخخخ
تخيلو بس نستوي ابوريجنال
و المشكله مره كنت في استراليا و شفت عائله منهم يمشون في الحديقه ..ما كانو لابسين يلد لووول لابسين لبس عادي بس ينعرف من اشكالهم لانهم سمر و شكلهم مميز و ملامح ويهم مميزه بعد شرات الصور و استراليا مافيها سمر
تميت مبحلقه فيهم شوي لان شي غريب اشوف ابورجنال طايفين و فوق ها محافظين على نسلهم..عقب قلت عيب عليه ابحلق في الناس..يلست اتصدد لقيت الاستراليين اللي في الحديقه اصلا كلهم مبققين عيونهم فيهم ههههههههه
شكلهم يايين من منطقه نائيه لان عموما نادرا تشوفونهم
فالظاهر هاللي بيستوي لنا عقب كم سنه …يوم يطوف مواطن بعقاله و حرمته بعباتها بتلقون الناس عقو اللي في يديهم و يلسو يطالعونهم لين ما يطوفووون
بس ما اظن الاحساس غريب وايد علينا لان في اماكن الحين لو نسيرلها بشيلنا و عبينا تشوف الاجانب كلهم يطالعونها باستغراب و ابتسامه ملطوعه على ويهم جنه نحن شي غريب ياي هالمكان << انا متأكده ان وايدين من هل دبي مرو في هالموقف
و يسلموو على الموضوع الجميل اللذي فتح لنا عنان المخيله