السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
شوفو الطمع وين وداكم تشتري شئ قبل ما يكون لا وبسعر لو تلف شو ولا تعتمد على الإعلانات من الشركات والمكاتب النصابه كان حصلت على شقه وجاهزه وأقل عن السعر الي أشتريت به الورق الله يكون في عونكم والله يجازي الي جاب هذي الفكره الشيطانيه لبلادنا
السلام عليكم ورحمة الله وبركاته
حبيت اشاركم ولو بشي بسيط ^^
انا ماخذ من شركة ( كسب العقاريه ) غرفه وصاله في برج الهلال ولين الحين دافع لهم 100 وشوي ويوم يتهم قبل شهرين كنت ابغي ادفع قالو لي تم ايقاف الدفعات وكنت متابع وضع البرج هل بدو ولا ما بدو ولكن لين الحين مافيه اي نتيجه …!!
وقبل يومين سالتهم اذا كنت اقدر استرد فلوسي قالو لي ما تقدر وعطاني موال طويل عريض والزبدة كانت اني ما اقدر استرد فلوسي …!!
سالتهم عن فترة ايقاف الدفعات هل راح ياخر موعد التسليم ..؟ كان الجواب بيتاخر موعد التسليم بنفس الفتره الي توقف العمل فيها ..!!
وعن برج السلام قالو لي انهم بدو في الباركنات الحين ….!!
واللي متضررين في برج الهلال يفيدونا شو العمل او شو اخر التطورات .,.؟
والسموحه منكم ع الاطاله
رقم الراشد الجديد 067015555
وده كمان رقم مدير التسويق في الشركه السعوديه التي سوف تتسلم شركة الراشد بجميع عملائها و مشروعاتها علي حد ماقيل لي…… 0509646047
ملحوظه: المتواجدين حاليا في مقر شركة الراشد هم الشركه السعوديه و ليس موظفين شركة الراشد …
أيضا أنهم ناس كويسين فلا داع للعصبيه معهم …فاني طلبت منهم العقد الاصلي للشقه فأرسلوه لي عن طريق الارامكس لامضيه و ارسله لهم مره أخري …فهذا يدل علي حسن النيه ..
أنا لدي شقه في برج الهديل في مدينة حميد ..أنا مصري الجنسيه …و مدير التسويق مصري الجنسيه ايضا ..و شخص محترم..
ممكن من الي يعرف شو صار بجلسة 24-6-2009 يقولنا شو صار ! في القضية الي ضد الراشد للعقارات
واذا حد يعرف رقم تلفون الشركة مال الراشد لاني خارج البلد وعندي بس الرقم القديم
وشكرا
السلام عليكم ورحمة الله
كان الله في عوننا جميعا ,,,
ارجوا من الجميع ممن يعرف اي شخص مستثمر لدى المطور سوان او البجعه … بمشروع برج سكاي تاور او كمفورت ان يبلغه بسرعة ارسال بياناته الي على الخاص ,,, لاننا نحاول تجميع اكبر قدر ممكن من المستثمرين المتضررين من هذا المطور …..
والدال على الخير كفاعله
وجزيتم خيرا .. والله يوفقنا جميعا وينصرنا يارب