السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
السلام عليكم ورحمة الله وبركاته
أقترح على كل من تم النصب عليه من قبل الشركة المذكوره التعاون ورفع قضية في المحكمة العليا لكي يتم تسويه على الاقل ولكم جزيل الشكر .
الله يعينكم الصراحه … الصراحه ربيعي شجعني لكن قمت اماطل معاه وكنت مشغووول وبعدين خبرني بسالفه النصب والحمدلله ما اشتركت
انا والله متورط ويا شركة الراشد بس انا ما دفعت وايد 28000 الف …. بس الله يسامحه واحد من مشرفين العقارات هو الي ورطني .. والمكتب يتصل فيني يقولي سدد الاقساط وعلى ما اضني اسم الحرمه الي تتصل فيني ام علي من شركة الراشد للعقارات
اشكر فنك عزيزي عاشق تراب الامارات
انا سوا فيني نفس الشيىء ومادفعت لهم من بداية السنة لين الحينة
بس حرام ربي لا يوفقهم لانهم ما كانوا صريحين معنا يوم هم مب قد المشاريع ليش يقولون بنبني وبنبي
الله المستعان
في انتظار تجارب الاخوة
اذا في احد الاخوة المحامين يشاركنا حتي تعم الفائدة مع الشكر لكل من قرا وشارك
تحياتي
ام عيسي
انا اشتريت غرفة وصالة وسوو فيني نفس الشي ، بس أنا حسيت انهم بينصبون علي ، وما قمت أدفع من 8 شهور تقريبا ، قالولي بيسلمون الشقة سنة 2010 ولين الحينه ما بدو في الشمروع كله أصلا، ونحن الحينه في شهر 5 – 2009 ، أنا حسيت من زمان فما قمت اسدد الأقساط حسبي الله ونعم الوكيل عليهم الله لا يسامحهم ولا يوفقهم خذو عني 42000 درهم تقريبا