مرحبا شباب
الحين حسيت ان هذا المنتدي في فايده ويخليك اتفكر في اشياء ما كنت تتوقعها
عندي لكم فكره ان شاء الله ان شاء الله بتكون اول خطوله للاحتراف في مجال الاسهم الاماراتيه
كثير من الشباب يشتري ويبيع ابدون اي سبب يذكر يعني على البركه سمع ان الناس تشتري قام وشترى وياهم سمع ان فلان باع قام وباع اوياه
وعقب فتره يكتشف انه كان على خطاء
الحل نتعاون حتى اتكون الاستفاده للجميع
من المعروف في كل البورصات العالميه ان اكثر المتداولين يعتمدون على التحليل الفني
التحليل الفني يا اخوان هو الرسم البياني او الشارت
هذا الرسم من الممكن انك تتعلمه وتعرف وين ممكن السهم متجة
واكثر البنوك والمحافض الاستثماريه في الامارات يستعملونه
كل دول الخليج عندهم برامج يشتركون فيها وهذي البرامج اتزودهم بكل المعلومات عن الاسهم
الا الامارات 🙁
كثير من الاخوه يستشير الوسيط في الشراء والبيع وما يدري ان الوسيط يستعمل التحليل الفني
ومع فتح المجال للمستثمرين الاجانب من المؤكد ان الوسيط يعمل لحسابه الخاص
من غير المعقول ان الوسيط ايشوف هذي الاسهم وهي تصعد وهو يكتفي بس بالعموله
يا اخوان زمن مش على البركة…… ولا وراح
اليوم كل خطوه من الممكن تحسبها بشكل صحيح
طيب شو الحل
مطلوب خبرة لو قليله في برنامج الاكسل الموضوع مب صعب بس للمشاركه الجماعيه
يالله يا بنات شاركو الصراحه انتم الاغلبيه في المنتدي 🙁
ان شاء الله يرزقكم بزوج صالح ويحب الاسهم ههههههههههه
وتيبون اولاد واحد اعمار والثاني سيراميك 😆
والبنت شعاع :huh:
مرحبا شباب
هذا الموضوع جديم بس حبيت يكتمل الموضوع للفايده العامه
اشكر الاخت بنت الامارات على الملف لكن في شيء بسيط ابغيكم اتساعدوني فيه
انا من اسبوع راسلت عدة شركات حتى اصمم البرنامج لكن كل الشركات ما عندها خبره في هذا المجل
يا ريت اذا حد فيكم اعرف شركة اتصمم البرامج اللى شغاله على الdata
ومشكورين
بعد التحيه
وانا ايضا
أحسست بالقيمة العاليه لهذا المنتدى الأرقى في مجاله
اتمنى ان نفيد ونستفيد
على النوى علمي .. بهم هجـعة الليـل
نجل العيون من البكا كحلهـــــــــا سال
واليـــوم غـير اليــاس.. قـــل الـمــراسـيــل
يــا مــن يــطــمـّـني عـسـى لـيـلـهم طــال
الله عـلى اللي مـا صــفط لي غــرابـيـــل
لاشـك شــرع الـحـب همٍ وغربال
قـفّـــى ولي فــي حـجــر عيـنه تعـالـيــــل
تـقـــول يـا ذا الـبـعــد نـجـزيــك بـوصـال
وتــعلــقـت روحي الـلـيــالي الـمقــابيــــل
و يـا عنك مـا يـامـن مـن الـوقـت رجّـال
لا مــا عـلي لــو دمـــع عـيـني همالـيـــل
بدر بن عبدالمحسن
المـــوت دمـــع القـلـب لا صـار هـمــّال
أخواني وأخواتي الأعزاء حبيت أشارك معاكم في هذا المنتدى الطيب لان أول منتدى اقتصادي عندنا في الإمارات ولازم نرفعه فوق والكل يشهد له وما بيكون هذا الا بتكاتف الجميع كل واحد حسب قدرته
انا يديده في مجال الأسهم ماصاري غير شهر ونص بس الحمد الله قدرت أكون لنفسي قدر من المعلومات من خلال ما يكتب بالمنتديات وسويت لي هذا البرنامج في الأكسل وحبيت أشارك فيه معاكم يحتاج منكم فقط ان تضع سعر الإغلاق وأعلى سعر وادني سعر هو نفسه بيطلع المتوسط الحسابي ونقاط الدعم والمقاومه وخلك من موقع الي يقولك احسبها مع دريال
والسموحه لان بعض الأيام ناقصة مع العلم تقدر تزيد فيه وتنقص
واذا كان في أي خطأ تقدرون تصلحولي لان مثل ما ذكرت أنا يديده في هالمجال وما دخلت معاكم في المنتدى الا عشان افيد واستفيد
وتفضلوا هذا هو البرنامج تقدرون تحملونه