السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
السلام عليكم
الله المستعان اخوى ….. كان الله فى عوننا جميعا
ونسأل الله العظيم التوفيق والسداد
ماقول غير الله يعين الي ماخذ عقار من مجموعة امنيات للعقارات .. عندي واحد من هلي ماخذ عقار في برج جيمناي مشتري الشقة من شهر اكتوبر 2006 وتوهم من فترة بسيطة معلنين عن بدا الاعمال البنية التحتية وغير غير غير المشاكل لهذه الشركة .. الله يكون ف العون ويصبر الجميع
امس انا رحت محكمه كان عندي جلسه قالي قاضي يرفع تعال يوم الاحد خذ رساله علشان ترفع قضيه بس لازم يكون عندك محامي
الله المستعان
السلام عليكم …
أنا من ضمن المتضررين من الراشد و عندي شقه في برج الهديل بمدينةحميد …علمت منكم أن هناك جلسة محكمه كانت بالأمس 24-6-2009 و هي تختص برفع دعوي قضائيه ضد الراشد من المتضررين…أرجو الإفاده بما حدث في المحكمه,و هل هناك أمل في إسترداد ما دفعناه.و ما الذي يمكنني عمله للمشاركه و المساعده ..و أنا أنصح بعمل مذكره جماعيه الي حاكم عجمان..بالإمضاءات..
و الحمد لله أني وجدتكم في هذا المنتدي و لكم نفس مشكلتي ,فقد إرتحت الي حد ما و الله يباركلم جميعا و يرجعلنا أموالنا و الله يعلم انها حلال و ناتج تعب و غربه ..
الله المستعان(((لا إلله أنت سبحانك إني كنت من الظالمين)))
نعم اخوي كلامك سليم والفرصة راح تخلص صح لسانك